«Adkaz u samuju dupu». Azaronak znajšoŭ apraŭdańnie amnistyi
Prapahandysty, jakija raniej zaklikali da raspravaŭ z palityčnymi praciŭnikami, pačali abhruntoŭvać novy palityčny pavarot.
Palityčnaja amnistyja napiaredadni 17 vieraśnia, zdajecca, sapraŭdy budzie.
Prynamsi stała viadoma, što vyzvaleńnie atrymajuć bolš za 8000 čałaviek — tyja, chto z punktu hledžańnia ŭładaŭ, «realna hetaha zasłuhoŭvaje». «Bandyty i ekstremisty», sa słoŭ Alaksandra Łukašenki, — nie z hetaj sieryi».
Alaksandr Łukašenka na naradzie z nahody amnistyi navat havaryŭ pra «pierahiby» i «zakłapočanaść mnohich hramadzian», pra toje, što zakliki «ŭsich mačyć, sadžać i hetak dalej» adzinstva ŭ hramadstvie nikoli nie dadavali.
Prapahandyst Ryhor Azaronak, viadomy svaimi zaklikami zabivać pratestoŭcaŭ, adhuknuŭsia na novy pavarot dziaržaŭnaj rytoryki.
«Najmahutniejšy ŭdar pa zmaharstvie», — sfarmulavaŭ jon z chodu i patłumačyŭ.
«Pakul usie hetyja ludzi siadziać — heta palityčny kapitał źbiehłych. Jany vałakucca pa ŭsiakich kabinietach paskudnych jeŭračałaviečyškaŭ sa śpisami «viaźniaŭ» i klančać babki. A tut im usim voś taki asimietryčny adkaz u samuju dupu», — napisaŭ prapahandyst.
«A ŭ dadatak — mahčymaje pazbaŭleńnie hramadzianstva abo zabarona na ŭjezd. Heta rečy nie simvaličnyja. Z anulavanym pašpartam žyć zmaharu budzie ciažka <>. I ŭsio heta ŭ toj momant, kali Jeŭropka pinaje niaŭdačnikaŭ-rełakantaŭ i ŭ chvost i ŭ hryvu. Momant dla takoha elehantnaha i pryhožaha razhromu emihracyi bliskučy», — smakuje Azaronak.
Biznesoviec Ivan Šyła prakamientavaŭ słovy Azaronka tak.
«Amnistyja, i ja adrazu ŭspaminaju pra Hryšu Azaronka. Jak jamu ciapier, učora jon patrabavaŭ viešać zmaharoŭ, a siońnia amnistyja? A ničoha, u jaho ŭsio dobra. Bo amnistyja heta… čarhovy ŭdar pa zmaharstvie, i tak, Łukašenka znoŭ usich pierajhraŭ», — napisaŭ jon.
Čytajcie taksama:
Azaronak skłaŭ biełaruski «śpis Duhinaj»
"7 sientiabria otmiečajut Nacionalnyj dień lubitiela piva (National Beer Lover`s Day). Etot dień pośviaŝien raznym sortam piva i čiestvovaniju ludiej, kotoryje jeho lubiat. Dień lubitiela piva pobuždajet vsiech amierikanciev otłožiť rabotu i vsie dieła, otłožiť raznohłasija i protivoriečija, sobraťsia vmiestie s druźjami, čtoby otprazdnovať obŝuju lubov k pivu."
ale heta praŭda ŭ Amierycy