Jeŭrakamisija prapanavała dva varyjanty abmiežavańnia cen na rasijski haz
Jeŭrakamisija prapanavała dva varyjanty abmiežavańnia koštaŭ na haz z Rasii, piša vydańnie Financial Times sa spasyłkaj na adpaviedny dakumient.
Pieršy varyjant praduhledžvaje ŭviadzieńnie stoli cen na rasijski haz, jakaja budzie dziejničać na ŭsioj terytoryi ES, albo stvareńnie adzinaj kampanii, jakaja zojmiecca zakupkaj hazu ŭ RF. Pry hetym, adznačyli ŭ Brusieli, taki scenaryj moža pryvieści da ŭźniknieńnia fors-mažoru ŭ kantraktach z «Hazpramam» i ŭzmacnić «hieapalityčnuju napružanaść».
Druhi varyjant praduhledžvaje padzieł krain — členaŭ ES na «čyrvonuju» i «zialonuju» zony, zychodziačy z taho, nakolki im pahražajuć pieraboi z pastaŭkami hazu. U «čyrvonaj zonie» ceny mohuć być abmiežavanyja, a ŭ «zialonaj zonie» buduć zastavacca «dosyć vysokimi», kab palehčyć pastupleńnie hazu ŭ «čyrvonuju zonu». Minusam hetaha varyjantu nazvanyja składanaści ŭ arhanizacyi.