Śviataru Bahamolnikavu dali 14 sutak, ale zaviali i kryminałku
Pavodle apošniaj infarmacyi, zatrymanamu ŭčora pravasłaŭnamu śviataru Uładzisłavu Bahamolnikavu dali 14 sutak aryštu. Ale suprać jaho moža być raspačataja i kryminalnaja sprava pavodle art. 361-1 KK, piša «Viasna».
Praŭładnyja telehram-kanały paviedamlajuć, što śviatar byŭ padpisany na «ekstremisckija» telehram-kanały i dasyłaŭ im infarmacyju ŭ boty.
Jak pišuć siłaviki, u Bahamolnikava «jość šaniec stać padazravanym za sadziejničańnie ekstremisckaj dziejnaści pa šerahu kryminalnych spraŭ, nu ci pabić rekord adnoj siamiejki pa kolkaści sutak administracyjnaha zatrymańnia».
Vierahodna, havorka idzie pra Anastasiju Krupienič-Kandraćjevu i Siarhieja Krupieniča, jakija praviali za kratami pa administracyjnych spravach 127 i 126 sutak adpaviedna.
Paźniej stała viadoma, što suprać Uładzisłava Bahamolnikava sapraŭdy raspačali kryminalnuju spravu. U adnym z praŭładnych kanałaŭ nazyvajecca artykuł Kryminalnaha kodeksa — 361-1 «Stvareńnie ekstremisckaha farmavańnia ci ŭdzieł u im».
Čytajcie taksama:
Zatrymany pravasłaŭny śviatar Uładzisłaŭ Bahamolnikaŭ
