Zatrymany pravasłaŭny śviatar Uładzisłaŭ Bahamolnikaŭ
Pra zatrymańnie śviatara paviedamlaje telehram-kanał «Chryścijanskaja vizija».
Zatrymlivali ajca Uładzisłava brutalna, HUBAZiK vyłamaŭ dźviery ŭ jahonaj kvatery. Ciapier jon znachodzicca na Akreścina.
Uładzisłaŭ Bahamolnikaŭ — kliryk prychodu minskaha chrama Bohajaŭleńnia, zahadčyk Carkoŭna-histaryčnaha muzieja Biełaruskaj Pravasłaŭnaj Carkvy, člen Jeparchijalnaha suda Minskaj jeparchii.
Hety śviatar viadomy jak pryncypovy prychilnik pieramienaŭ u Biełarusi. Bahamolnikaŭ abviaščaŭ haładoŭku ŭ padtrymku palitviaźnia Ihara Łosika, a taksama na Płoščy Pieramien słužyŭ lityju pa zabitym siłavikami Ramanu Bandarenku.
Uładzisłaŭ Bahamolnikaŭ na Płoščy Pieramien
Paśla napadu Rasii na Ukrainu Uładzisłaŭ Bahamolnikaŭ byŭ siarod śviataroŭ Ruskaj Pravasłaŭnaj Carkvy, jakija vystupili sa zvarotam suprać vajny.
