Łukašenka pavinšavaŭ Stasa Michajłava z 55-hodździem
«Na biełaruskaj ziamli vas ceniać jak vydatnaha artysta», — havorycca ŭ vinšavańni.
Stas Michajłaŭ. fota Youtube
Alaksandr Łukašenka pavinšavaŭ narodnaha artysta Rasijskaj Fiederacyi Stanisłava (Stasa) Michajłava z 55-hodździem, paviedamlaje jaho pres-słužba.
«Dziakujučy tvorčamu talentu, pracavitaści i abajańniu vy zaniali hodnaje miesca siarod zorak sučasnaj estrady. Vaša niepaŭtornaja maniera vykanańnia, adroznaja asablivaj ščyraściu i hłybinioj pačućciaŭ, zavajavała sercy miljonaŭ prychilnikaŭ. Na biełaruskaj ziamli vas ceniać jak vydatnaha artysta, jaki ŭnosić vialiki ŭkład va ŭmacavańnie kulturnych suviaziaŭ pamiž brackimi narodami Biełarusi i Rasii», — havorycca ŭ vinšavańni.
Alaksandr Łukašenka pažadaŭ Stanisłavu Michajłavu daŭhalećcia, natchnieńnia i nievyčerpnaj enierhii.
Stas Michajłaŭ naradziŭsia ŭ Sočy, ale niekalki miesiacaŭ pravučyŭsia ŭ Minsku ŭ lotnaj vučelni.
Čytajcie taksama:
Filip Kirkoraŭ padaŭ na Litvu ŭ sud pa pravach čałavieka. Jaki vynik?
Niaviestka Łukašenki atrymała ŭ Rasii dypłom na premii «Šanson hoda — 2024»
