Ludmile Ramanovič z Małaryty dali 1,5 hoda kałonii za słova «ŭzurpatar»
U sudzie Małaryckaha rajona vyniesieny prysud pa spravie miascovaj aktyvistki Partyi BNF Ludmiły Ramanovič. Jaje abvinavačvali ŭ abrazie Łukašenki (art. 368 Kryminalnaha kodeksa) z-za lista, jaki žančyna dasłała ŭ Śledčy kamitet. Padčas abviaščeńnia abvinavačańnia vyśvietliłasia, što padstavaj dla kryminalnaha pieraśledu aktyvistki źjaŭlajecca słova «ŭzurpatar» ź jaje lista ŭ SK, paviedamlaje «Viasna».
Na pačatku sakavika 2022 hoda Ludmiła źviartałasia ź listom-pratestam na sajt Administracyi Łukašenki. Tady žančyna vykazała pratest suprać udziełu Biełarusi ŭ vajnie suprać Ukrainy.
Prakuror Michovič zaprasiŭ sud pryznačyć 57-hadovaj palitźniavolenaj pazbaŭleńnie voli ŭ kałonii ahulnaha režymu terminam na adzin hod i 6 miesiacaŭ. Mienavita taki prysud i vyniesła sudździa Volha Śmirnova
