U Maskvie dapuścili, što miratvorcy ADKB «spatrebiacca» va Ukrainie
Nielha vyklučać, što miratvorčyja siły Arhanizacyi Damovy ab kalektyŭnaj biaśpiecy (ADKB), kudy ŭvachodzić i Biełaruś, mohuć być zapatrabavanyja va Ukrainie, zajaviŭ žurnalistam kiraŭnik kamiteta Dziarždumy RF pa abaronie Andrej Kartapołaŭ.
Pasiadžeńnie Rady Parłamienckaj asamblei ADKB projdzie ŭ Jerevanie ŭ paniadziełak. Praviadzie jaho śpikier Dziarždumy, staršynia pa ADKB Viačasłaŭ Vałodzin.
«Nielha vyklučać, što zapatrabavanyja buduć miratvorcy z krain ADKB i na vyzvalenych terytoryjach Ukrainy, «Danieckaj» i «Łuhanskaj narodnych respublik», — zajaviŭ Kartapołaŭ žurnalistam.
Jak dadaŭ deputat, «my naŭrad ci pahodzimsia z tym, što niejkija krainy NATA pad vyhladam miratvorcaŭ pasprabujuć tudy zaleźci». Palityk padkreśliŭ, što miratvorčaja misija ADKB zapatrabavanaja. Jon pryvioŭ prykład vykanańnia zadač miratvorčaj misijaj RF u Nahornym Karabachu, a taksama nahadaŭ ab pryciahnieńni miratvorcaŭ padčas studzieńskich padziej u Kazachstanie.
«DNR» i «ŁNR» — heta kvazidziaržavy, stvoranyja na zaniatych rasijskimi vojskami ziemlach Ukrainy jak pierachodny etap da anieksii hetych terytoryj.
