U šosty pakiet sankcyj ES trapiŭ, padobna, Bielinviestbank
Paviedamlajecca, što ŭ šosty pakiet sankcyj ES trapiŭ Biełaruski bank raźvićcia i rekanstrukcyi. Nasamreč, takaja poŭnaja nazva ŭ Bielinviestbanka — Biełaruski bank raźvićcia i rekanstrukcyi «Bielinviestbank».
Infarmacyja pra adklučeńnie ad SWIFT Banka raźvićcia Biełarusi — padobna, niapravilnaja traktoŭka.
Sankcyi taksama praduhledžvajuć adklučeńnie ad SWIFT rasijskich Śbierbanka, Raśsielhasbanka i Maskoŭskaha kredytnaha banka.
ES admovicca ad impartu rasijskaj nafty za šeść miesiacaŭ, a ad impartu naftapraduktaŭ za vosiem miesiacaŭ. Ale heta tyčycca tolki pieravozak moram. Na trubapravodnuju naftu sankcyi pakul nie nakładvajucca.
Akramia taho, sankcyi ES praduhledžvajuć zabaronu na viaščańnie telekanałaŭ «Rasija» «RTR/RTR Płanieta», «Rasija 24», «TV Centr — mižnarodny». Ich supracoŭniki pry hetym zmohuć praciahnuć pracu na terytoryi ES, havorycca ŭ zajavie Jeŭrakamisii.