Anieksija Rasijaj «DNR», «ŁNR» i Chiersona moža adbycca ŭžo ŭ lipieni
Kiraŭnik mižnarodnaha kamiteta Dziarždumy, člen pieramoŭnaj hrupy z Ukrainaj i lidar ŁDPR Leanid Słucki zajaviŭ, što refierendum ab uvachodžańni «DNR», «ŁNR» i Chiersonskaj vobłaści ŭ skład RF moža prajści adnačasova ŭžo ŭ lipieni.
Fota: cenzor.net
«Nie vyklučaju što heta moža adbycca ŭžo ŭ lipieni, nie budu pradkazvać, dzie heta budzie adbyvacca, ale miarkuju, što «vyzvalenyja» terytoryi praviaduć refierendum bolš ci mienš adnačasova. Heta było b łahična. Raźličvaju, što heta moža adbycca ŭžo ŭ lipieni», — paviedamiŭ Słucki RIA «Naviny».
Taksama jon stanoŭča adkazaŭ na pytańnie karespandenta ahienctva pra toje, ci chopić u RF na heta resursaŭ.
Refierendumy ŭ Rasii i na kantralavanych joju terytoryjach — heta farmalnyja pracedury, jakija nie supravadžajucca ani hramadskaj dyskusijaj, a padlik hałasoŭ na ich časta falsifikujecca ci ŭvohule nie pravodzicca, a vyniki spuskajucca źvierchu.