Italjanski premjer parazmaŭlaŭ z Pucinym praz telefon. Choć jašče miesiac tamu zajaŭlaŭ, što heta nie maje sensu
Prezident Rasii Uładzimir Pucin parazmaŭlaŭ pa telefonie z premjer-ministram Italii Maryjo Drahi. Pres-słužba Kramla adznačaje, što razmova adbyłasia pa inicyjatyvie italjanskaha boku. Adznačajecca, što baki hruntoŭna razhledzieli stanovišča spraŭ u śfiery hłabalnaj charčovaj biaśpieki.
Pucin akcentavaŭ, što Rasija, maŭlaŭ, «hatovaja ŭnieści svoj važki ŭkład u pieraadoleńnie charčovaha kryzisu za košt ekspartu zbožža i uhnajeńniaŭ — pry ŭmovie źniaćcia palityčna matyvavanych abmiežavańniaŭ z boku Zachadu».
Pucin i Drahi taksama abmierkavali situacyju va Ukrainie.
Varta adznačyć, što jašče miesiac tamu italjanski premjer zajaŭlaŭ, što z Uładzimiram Pucinym biessensoŭna vieści telefonnyja razmovy pra vajnu, pakolki jany nie pryvodziać ni da jakoha vyniku.
«Ja pačynaju dumać, što majuć racyju tyja, chto kaža, što ź im marna razmaŭlać, heta prosta pustaja trata času. Ja zaŭsiody abaraniaŭ Makrona i praciahvaju śćviardžać, što jak prezident ES jon maje racyju, sprabujučy vykarystać usie mahčymyja šlachi dyjałohu. Ale ŭ mianie skłałasia ŭražańnie, što žach vajny, ź jaje raźnioj, z tym, što jany zrabili ź dziećmi i žančynami, zusim nie zaležyć ad słoŭ i telefonnych zvankoŭ», — kazaŭ jon tady.
Čytajcie taksama:
Razmaŭlać z Pucinym marna — premjer Italii
