Razmaŭlać z Pucinym marna — premjer Italii
Premjer-ministr Italii Marya Drahi zajaviŭ, što z Uładzimiram Pucinym biessensoŭna vieści telefonnyja razmovy pra vajnu, pakolki jany nie pryvodziać ni da jakoha vyniku.
«U telefonnaj razmovie ja skazaŭ jamu [Pucinu], što telefanuju, kab pahavaryć pra mir. Ja spytaŭ u jaho: «Kali vy sustrakajeciesia ź Zialenskim? Tolki vy dvoje možacie vyrašać pytańnie». Jon adkazaŭ: «Čas jašče nie pryjšoŭ». Ja nastojvaŭ: «Prymicie rašeńnie ab spynieńni ahniu». I znoŭ: «Nie, čas jašče nie pryjšoŭ». Potym jon patłumačyŭ mnie ab apłacie za haz u rublach, jakuju tady jašče nie ŭviali. My raźvitalisia i paabiacali sustrecca praź niekalki dzion.
Potym nastupiŭ žach Bučy. Ja pačynaju dumać, što majuć racyju tyja, chto kaža, što ź im marna razmaŭlać, heta prosta pustaja trata času. Ja zaŭsiody abaraniaŭ Makrona i praciahvaju śćviardžać, što jak prezident ES jon maje racyju, sprabujučy vykarystać usie mahčymyja šlachi dyjałohu. Ale ŭ mianie skłałasia ŭražańnie, što žach vajny, ź jaje raźnioj, z tym, što jany zrabili ź dziećmi i žančynami, zusim nie zaležyć ad słoŭ i telefonnych zvankoŭ».
