The Moscow Times: Rasija adrepieciravała taktyčny jadzierny ŭdar pa Jeŭropie
U Kalininhradskaj vobłaści ŭ sieradu adbylisia vučeńni kompleksaŭ «Iskander». Zdolnyja stralać jak kryłatymi, tak i balistyčnymi rakietami, u tym liku ź jadziernaj bojehałoŭkaj, «Iskandery» vykanali elektronnyja adzinočnyja i hrupavyja puski, paviedamiła pres-słužba Zachodniaj vajennaj akruhi.
Celami byli puskavyja ŭstanoŭki, aeradromy, technika i kamandnyja punkty «umoŭnaha sapiernika». Paśla puskaŭ raźliki Bałtyjskaha fłotu «adpracavali dziejańni va ŭmovach radyjacyjnaha i chimičnaha zaražeńnia miascovaści».
Zajaŭlenaja dalokaść «Iskanderaŭ» — 500 kiłamietraŭ, što dazvalaje im z Kalininhradskaj vobłaści nakryć zachodniuju Ukrainu, Polšču, usie bałtyjskija krainy, dastać da Šviecyi i ŭschodniaj Hiermanii, uklučajučy Bierlin, adznačaje The Moscow Times.
Usio heta adbyvajecca na fonie zajavaŭ najvyšejšych rasijskich čynoŭnikaŭ, uklučajučy Uładzimira Pucina, što Rasija ŭ peŭnaj situacyi moža i hatovaja vykarystać jadziernuju zbroju, a taksama ažyŭleńnia z hetaj nahody rasijskaj prapahandy.
