Eks-prakurora Babaka buduć sudzić pa dvuch artykułach: 342 i 130. Jon skazaŭ, kamu achviaravać zamiest jaho
Jak stała viadoma «Našaj Nivie», byłomu prakuroru Jaŭhienu Babaku, jaki vystupiŭ suprać hvałtu, vystavili abvinavačvańnie pa č. 1 art. 342 (hrupavyja dziejańni, jakija parušajuć hramadski paradak) i č. 1 art. 130 (raspalvańnie varožaści). Sud pryznačany na 11 sakavika.
Babak staŭ viadomy tym, što ŭ žniŭni 2020-ha inicyjavaŭ pravierku ludziej u formie DAI, jakija źbili bajkieraŭ va Uruččy nočču 11 žniŭnia. Praviercy, adnak, nie dali chod, a samoha Babaka prymusili zvolnicca.
10 červienia 2021 hoda kvateru Babaka razhramili, a jaho aryštavali. Spačatku na sutki, a potym i pa kryminalnym artykule.
Jaŭhien pieradaje pryvitańnie ŭsim, chto jaho padtrymlivaje, kaža, što ŭ jaho ŭsiaho chapaje, i što kali jość žadańnie achviaravać jamu, to lepš nakiravać hetyja srodki na dapamohu dzieciam z prahramy UNIHELP. Rekłamu z prośbaj padtrymki ad siemjaŭ jon časta bačyć pa televizary ŭ kamiery.
Čytajcie taksama:
Razhramili kvateru eks-prakurora Babaka. Jaho samoha zatrymała milicyja pa administracyjnaj spravie
Nie vyjdzie na svabodu paśla 30 sutak były pamočnik prakurora Pieršamajskaha rajona Minska Jaŭhien Babak — jon staŭ padazravanym pa kryminalnaj spravie
Jaŭhien Babak: Na cud nie spadziavajciesia, mnie jašče siadzieć doŭha
