«Zaniali pijanierłahiery». Rasijskija vajskoŭcy raźmiaścilisia ŭ mnohich rajonach Homielskaj vobłaści
Z roznych kutkoŭ Homielskaj vobłaści pišuć pra prysutnaść rasijskich vajskoŭcaŭ i techniki. Pa paviedamleńni rajonnych vydańniaŭ, rasijskich vajskoŭcaŭ sustrakali z chlebam-sollu ŭ Jelsku i Kalinkavičach. Hetyja harady nie zajaŭlalisia jak aficyjnyja miescy praviadzieńnia vučeńniaŭ, piša Radyjo Svaboda.
Ilustracyjny zdymak. Fota: depositphoto.com
Žychary Homiela śviedčać, što na stancyi ŭ Navabielickim rajonie štodzień idzie razhruzka vajskovaj techniki, jakaja prybyvaje z Rasii.
«Vajskoŭcy «akupavali» Ziabraŭku — były vajenny haradok u Homielskim rajonie. Načami jany tam palać vohniščy. Žychary Homiela na vychodnych časta ładzili honki na aŭtamabilach na byłym vajskovym aeradromie ŭ Ziabraŭcy. U niadzielu pryjechali tudy na aŭto — a ludziej nie puścili. Aeradrom ačepleny vajskoŭcami, haradok zastaŭleny vajskovaj technikaj. Ničoha nie tłumačyli»,
— paviedamili śviedki.
Žycharoŭ Homiela ździviła ažyŭleńnie ŭ byłych pijanierskich łahierach, jakija ciapier zakinutyja.
«Tam viečarami i načami ŭsio śviecicca ciapier — tam atabarylisia vajskoŭcy, palać vohniščy»,
— zaŭvažyli krynicy.
Taksama Svabodzie paviedamili pra ŭzmacnieńnie pilnaści z boku biełaruskich pamiežnikaŭ na miažy z Rasijaj.
«Raniej pamiežniki praviarali tolki tych, chto pryjazdžaŭ na ciahniku ŭ Kraŭcoŭku Dobrušskaha rajona. Ciapier pamiežnikaŭ značna bolš, i jany praviarajuć usich ahułam, navat tych, chto maje ŭ Kraŭcoŭcy ci pobač lecišča, pryjazdžaje tudy na svaim aŭto na homielskich numarach. Navat bahažniki praviarajuć. Moža, jany nie chočuć, kab u tym rehijonie byli «niepažadanyja» ludzi, jakija «niešta ŭbačać» — naprykład, vialikuju prysutnaść vajskoŭcaŭ?»
— padzialilisia infarmacyjaj žychary Homielskaj vobłaści.
Jak paviedamlaje rasijskaje Ministerstva abarony, vajskovaja technika na vučeńni ŭ Biełaruś była nakiravanaja ŭ tym liku z Dalokaha Uschodu. «Ministerstva abarony Rasii pierakinie dva dyvizijony sistemaŭ supraćpavietranaj abarony S-400 «Tryumf» z Dalokaha Uschodu ŭ Biełaruś. Jany vypravilisia z Chabaraŭskaha kraju pa čyhuncy», — paviedamiła 21 studzienia rasijskaje viedamstva.
Čytajcie taksama:
Conflict Intelligence Team: Šmat rasijskaj techniki kala Rečycy. Tut niama palihonaŭ, ale blizka da miažy z Ukrainaj
Kałony techniki ŭ Słucku i Kałodziščach: rychtujucca nastupać na Ukrainu? Analizujem fota i videa z vajskoŭcami
Lebiadok: Biełaruś usio bolš šturchajuć u rehijanalnuju varonku eskałacyi sa standartnym vychadam — praz vajnu
