«Heta moža być častkaj płana akupacyi krainy». Parłamientaryi 11 krain vystupili suprać prysutnaści vojskaŭ RF u Biełarusi
Členy parłamientaŭ 11 krain śvietu — Kanhresa ZŠA, bundestaha Niamieččyny, parłamientaŭ krain Bałtyi, Irłandyi, Bielhii, Ispanii, Polščy i Ukrainy, a taksama Jeŭraparłamienta — vypuścili sumiesnuju zajavu ab uvodzie rasijskich vojskaŭ u Biełaruś.
Fota: pres-słužba Ministerstva abarony
U zajavie havorycca, što raźmiaščeńnie vojskaŭ RF u Biełarusi pradstaŭlaje pahrozu nie tolki dla Ukrainy, Polščy i Litvy, ale taksama heta moža być častkaj płana akupacyi samoj Biełarusi.
«Dalejšaja prysutnaść rasijskich uzbrojenych sił pa zapycie režymu Łukašenki varta razhladać jak akupacyju Biełarusi. Heta nieabchodna dać jasna zrazumieć u ramkach dyjałohu ZŠA i ES z Rasijaj. Lubaja dypłamatyčnaja pastanova ab strymlivańni mahčymaj rasijskaj ahresii suprać Ukrainy nie pavinna ažyćciaŭlacca koštam niezaležnaj i demakratyčnaj budučyni Biełarusi», — havorycca ŭ zajavie.
Kiraŭnik MZS Litvy: My ličym, što vajna mahčymaja
Kreml zajaviŭ ab vysokaj pahrozie vajennaha nastupu Ukrainy na Danbas
