«Гэта можа быць часткай плана акупацыі краіны». Парламентарыі 11 краін выступілі супраць прысутнасці войскаў РФ у Беларусі
Члены парламентаў 11 краін свету — Кангрэса ЗША, бундэстага Нямеччыны, парламентаў краін Балтыі, Ірландыі, Бельгіі, Іспаніі, Польшчы і Украіны, а таксама Еўрапарламента — выпусцілі сумесную заяву аб уводзе расійскіх войскаў у Беларусь.
Фота: прэс-служба Міністэрства абароны
У заяве гаворыцца, што размяшчэнне войскаў РФ у Беларусі прадстаўляе пагрозу не толькі для Украіны, Польшчы і Літвы, але таксама гэта можа быць часткай плана акупацыі самой Беларусі.
«Далейшая прысутнасць расійскіх узброеных сіл па запыце рэжыму Лукашэнкі варта разглядаць як акупацыю Беларусі. Гэта неабходна даць ясна зразумець у рамках дыялогу ЗША і ЕС з Расіяй. Любая дыпламатычная пастанова аб стрымліванні магчымай расійскай агрэсіі супраць Украіны не павінна ажыццяўляцца коштам незалежнай і дэмакратычнай будучыні Беларусі», — гаворыцца ў заяве.
Кіраўнік МЗС Літвы: Мы лічым, што вайна магчымая
Крэмль заявіў аб высокай пагрозе ваеннага наступу Украіны на Данбас
