BioNTech i Pfizer pačali vypusk vakcyny ad amikrona
Pa słovach suzasnavalnika BioNTech, pastaŭki na rynak vakcyny ad amikron-varyjanta karanavirusa mohuć pačacca da sakavika. Adnak jeŭrapiejski rehulatar pakul nie kazaŭ, ci ličyć vypusk takoj vakcyny metazhodnym.
Hiermanskaja farmaceŭtyčnaja kampanija BioNTech i jaje amierykanski biźnies-partnior Pfizer pačali vytvorčaść vakcyny suprać amikron-varyjanta karanavirusa dla jaje nastupnaha kamiercyjnaha vykarystańnia. Pra heta paviedamiŭ suzasnavalnik hiermanskaj kampanii Uhur Šachin u aŭtorak na kanfierencyi pa achovie zdaroŭja, piša Deutsche Welle.
«My zychodzim z taho, što budziem hatovyja pačać pastaŭki pradukcyi na rynak da sakavika — jak tolki buduć atrymanyja dazvoły rehulataraŭ», — zajaviŭ Šachin, dadaŭšy, što kliničnyja vyprabavańni pavinny pačacca ŭ kancy studzienia.
Jeŭrapiejskaje ahienctva pa lekavych srodkach (EMA) pakul nie kazała, ci ličyć jano vypusk takoj vakcyny metazhodnym.
Hienieralny dyrektar Pfizer Albiert Burła 10 studzienia paviedamiŭ u efiry amierykanskaha telekanała CNBC, što kampanija prystupiła da vypusku na svoj strach i ryzyku. Burła pryznaŭsia, što pakul nie viedaje, ci spatrebicca preparat i jak jon budzie vykarystoŭvacca. «Adnak my budziem hatovyja», — ukazaŭ jon.
U Biontech i Pfizer miarkujuć, što ŭ 2022 hodzie ich vytvorčyja mahutnaści składuć da čatyroch miljardaŭ doz vakcyny pa ŭsim śviecie.
U SAAZ zajavili ab ryzycy zaražeńnia pałovy Jeŭropy «amikronam» za dva miesiacy
