Habryelus Łandśbierhis: «Biełavija» chočuć prybrać z sankcyjnaha śpisu
Jak paviedamiŭ ministr zamiežnych spraŭ Litvy Habryelus Łandśbierhis, robicca sproba vyklučyć avijakampaniju «Biełavija» ź śpisu sankcyj, jakija rychtuje Jeŭrasajuz u dačynieńni da aficyjnaha Minska.
«Vidavočna, jość vielmi tryvožnaja navina ab tym, što sa śpisu sankcyj sprabujuć prybrać ledź nie adzin z samych važnych elemientaŭ — sankcyi ŭ dačynieńni da avijakampanii Biełavija, jakaja, jak viadoma, niasie adkaznaść za vialikuju kolkaść mihrantaŭ, dastaŭlenych u Biełaruś», — cytuje palityka Delfi.
Pa jaho słovach, razhladajecca pytańnie ab vyklučeńni avijakampanii ź śpisu. Ministr paviedamiŭ, što pry ŭzhadnieńni sankcyj baki majuć prava vieta: «dastatkova piarečańni adnoj dziaržavy, i hetaja rysa pierakreślivajecca».
Jon taksama zajaviŭ, što ŭ jaho niama dakładnaj infarmacyi ab tym, jaki bok zrabiŭ takuju prapanovu, ale nie vyklučyŭ mahčymaść udziełu Hiermanii.
