150 mihrantaŭ unačy sprabavali prarvacca ŭ Polšču
Hrupa z 150 mihrantaŭ pasprabavała siłaj prarvać miažu Polščy.
Pra heta zajaviŭ namieśnik ministra ŭnutranych spraŭ Polščy Bartaš Hradziecki, paviedamlaje MUS Polščy ŭ tvitary.
«Unačy była sproba siłavoha pierasiačeńnia polska-biełaruskaj miažy vialikaj hrupaj z 150 asob», — havorycca ŭ paviedamleńni.
Polskija pamiežniki ŭ svaju čarhu paviedamili pra toje, što za minuły dzień jany praduchilili 468 sprobaŭ niezakonnaha pierasiačeńnia biełaruska-polskaj miažy.
Situacyja na biełaruska-polskaj miažy ŭ rajonie pierachodaŭ Bruzhi/Kuźnica abvastryłasia z ranicy 8 listapada, kali niekalki sotniaŭ mihrantaŭ prajšli maršam kala polskaj miažy i raźmiaścilisia ŭ lesie, raźbiŭšy tam łahier. U noč na sieradu byli ździejśnienyja dźvie sproby praryvu miažy, ale polskija pamiežniki vycisnuli mihrantaŭ nazad. Učora kolkasna ludziej u łahiery paboleła.
