U Łatvii zakryli telekampaniju, jakaja retranślavała rasijski Pieršy kanał. U adnoj z prahram zajavili, što ad karanavirusa dapamahaje sieladziec
Łatvijski rehulatar anulavaŭ licenziju «Pieršaha Bałtyjskaha kanała Łatvija» (PBK), jaki retranślavaŭ prahramy rasijskaha Pieršaha kanała. Heta byŭ samy papularny telekanał na ruskaj movie.
Getty Images
Nacyjanalnaja rada pa radyjo i telebačańni Łatvii (rehulatar) abhruntavaŭ svajo rašeńnie parušeńniami jeŭrapiejskaha zakanadaŭstva, piša Bi-bi-si.
U paviedamleńni rehulatara havorycca, što PBK puściŭ u efir pradukcyju inšych ŚMI — heta było pieršym parušeńniem. Akramia hetaha, zhodna sa svajoj licenzijaj, PBK pavinien advodzić 51% efirnaha času jeŭrapiejskaj pradukcyi — heta nie vykonvałasia.
Treciaje parušeńnie — pahroza hramadskamu zdaroŭju: u adnoj z prahram było skazana, što karanavirus nie vielmi zarazny, a abaranić siabie možna ŭžyvańniem u ježu sieladca. Va ŭsich troch vypadkach kanał byŭ aštrafavany, treciaje pa liku parušeńnie dało mahčymaść anulavać licenziju.
Viaščańnie pavinna być spyniena 26 kastryčnika. Pavodle danych kampanii Kantar, u vieraśni 2021 hoda PBK byŭ samym papularnym ruskim kanałam u Łatvii, a taksama trecim pa papularnaści kanałam u krainie (razam z kanałami na łatyšskaj movie). Kala 40% žycharoŭ Łatvii — ruskamoŭnyja.