«Hrodna Azot» choča ŭvieści na zavodzie kryptavalutu
Pytańnie ab mahčymaści praviadzieńnia płaciažoŭ u kryptavalucie daručyli prapracavać Dźmitryju Harošku, namieśniku hienieralnaha dyrektara pa ekanomicy i finansach «Hrodna Azota», paviedamlaje vydańnie «Hrodnienski chimik».
Heta zrobiać «z metaj pabudovy sučasnaj ličbavaj ekanomiki na pradpryjemstvie».
«Možna ŭjavić, jakija płaciažy patrebnyja pradpryjemstvu. Pa vialikim rachunku, pradpryjemstva płacić, kali kuplaje syravinu i kamplektujučyja, kali atrymlivaje płaciažy za adhružanuju pradukcyju, i kali płacić zarpłatu svaim rabotnikam — prakamientavaŭ «Hrodna Łajf» Vadzim Iosub, staršy analityk «Alpary Jeŭrazija». — Reč u tym, što kryptavaluta ni dla adnoj z hetych metaŭ nie padychodzić».
«Vidavočna, što heta niazhrabnaja sproba abyści sankcyi. Sankcyi mohuć uvieści jeŭrapiejcy i ZŠA, heta ŭskładnić raźliki ŭ dalarach i jeŭra. Płaciažy ŭ kryptavalucie jany nie kantralujuć. Ale! Kab raźličvacca kryptaj, pavinny być zhodnyja kantrahienty (pastaŭščyki i pakupniki). A nichto ŭ śviecie na heta nie pahodzicca. Tamu heta naiŭnaja i niazhrabnaja sproba. Typu, hladzicie, my niešta abmiarkoŭvajem, kab źnizić ryzyki sankcyj. Z nulavym vynikam, — ličyć ekśpiert. — Pry ciapierašnim zakanadaŭstvie heta nie pracuje. Kab heta pačało pracavać, treba pałovu zakanadaŭstva pierapisać, pačynajučy z Hramadzianskaha kodeksa. Navat kali takuju zadaču pastavić, tut pracy na hady».
