«Taliban» nazvaŭ svajho hałoŭnaha partniora
Ruch «Taliban» nazvaŭ Kitaj svaim hałoŭnym zamiežnym partnioram.
Pra heta raspavioŭ pradstaŭnik arhanizacyi Zabiuła Mudžachid, paviedamlaje «Interfaks».
«Kitaj (…) pradstaŭlaje dla nas fundamientalnuju i vyklučnuju mahčymaść, bo hatovy inviestavać u našu krainu», — zajaviŭ pres-sakratar talibaŭ. Pavodle jaho słoŭ, KNR taksama pasadziejničaje bajevikam u rekanstrukcyi Afhanistana paśla vajny.
Jon stanoŭča adazvaŭsia ab ekanamičnym prajekcie Kitaja «Adzin pojas, adzin šlach», adznačyŭšy, što takim čynam Piekin adradžaje «staražytny Šaŭkovy šlach». Mudžachid taksama skazaŭ, što taliby raźličvajuć na dapamohu Piekina ŭ adnaŭleńni afhanskaj hornazdabyŭnoj pramysłovaści.
Tym časam «Taliban» panios straty ŭ Pandžerskaj ciaśninie i navat straciŭ kantrol nad niekatorymi terytoryjami.
Front nacyjanalnaha supracivu paviedamiŭ, što minułaj nočču taliby praciahnuli šturm Pandžerskaj ciaśniny ź niekalkich kirunkaŭ: z boku pieravała Chavak, praz dalinu Andarab, z boku pieravała Sałanh dy inš.
Pa ŭsich troch napramkach, adznačajecca ŭ paviedamleńniach u tvitary, taliby panieśli ciažkija straty, dziasiatki ciełaŭ bajevikoŭ zastajucca na poli boju. Niekalki dziasiatkaŭ radykałaŭ zdalisia ŭ pałon, siarod bajcoŭ frontu taksama jość straty.
