Na Netflix vyjdzie sieryjał, pradziusarami jakoha stali prync Hary i Miehan Markł
Stryminhavy servis Netflix anansavaŭ vychad dakumientalnaha sieryjała, jaki stanie pieršym pradziusarskim vopytam Hary i Miehan.
Fota Wikimedia Commons
Dakumientalny prajekt «Serca niepakornych» («Heart of Invictus») raspaviadzie pra ŭdzielnikaŭ «Hulniaŭ niepakornych» (Invictus Games), jakija adbuducca ŭ Haazie ŭ 2022 hodzie.
Prync Hary zasnavaŭ «Hulni niepakornych» u 2014 hodzie. Heta mižnarodnyja spartyŭnyja spabornictvy dla vajennych, jakija stali invalidami. Spabornictvy ŭklučajuć u siabie viesłavańnie, baskietboł na vazkach i valejboł siedziačy.
U centry siužeta — žyćcio spartsmienaŭ, jakija raniej byli vajennymi, padčas padrychtoŭki da spabornictvaŭ.
Prync Hary budzie vykonvać abaviazki pradziusara, a taksama źjavicca ŭ niekatorych scenach sieryjała, paviedamlaje CNN.
Zdymkaj sieryjała zajmajecca pradziusarski centr Archewell sumiesna ź videaservisam Netflix. Nad prajektam taksama pracujuć režysior Arłanda fon Ajzindel i pradziusarka Džaana Natasiehara.
