«Ty suprać Łukašenki». U Breście mužčyna ŭdaryŭ miedyka na vačach milicyjaniera VIDEA

U Bresckaj haradskoj balnicy chutkaj miedycynskaj dapamohi prychilnik Alaksandra Łukašenki ŭdaryŭ miedyka pa tvary. Videa z hetym incydentam źjaviłasia ŭ telehram-kanałach.

Stały mužčyna łajaŭsia na doktara, toj jamu nie adkazvaŭ.

«Ty, čmošnik, učora, b***, byŭ suprać Łukašenki. A siońnia ty doktar?» — paśla hetych słoŭ nieadekvat udaryŭ miedyka pa tvary. U taho źlacieli akulary.

Akazałasia, što pry hetym niecenzurnym manałohu prysutničaŭ milicyjanier — paśla ŭdaru jon źjaviŭsia ŭ kadry i advioŭ napadnika sa słovami «Nu ŭsio, usio».

U bresckaj milicyi karespandentu Tut.by zajavili, što incydent adbyŭsia 5 studzienia, pravodzicca pravierka.

Napadnik — były praparščyk Mikałaj Vakulič, jaki ciapier pracuje kiroŭcam u škole ŭ Bresckim rajonie.

Čytajcie jaho viersiju: Kiroŭca školnaha aŭtobusa, jaki spjanu ŭdaryŭ miedyka «za Łukašenku»: Mnie soramna

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0