Jak vyhladaje znutry elitny žyllovy kompleks pad Minskam — «Pirs» FOTY
Kali idzieš pa vulicach, jakija majuć nazvy «Marski bryz», «Soniečny plaž», «Łazurny bierah», nu nijak nie składajecca ŭražańnie, što ty znachodzišsia dzieści pad Minskam.
Śviatłana Šeŭlik.
«Adzin mužčyna kuplaŭ tut kvateru, telefanavaŭ siabram pa videasuviazi i pytaŭsia: «Zdahadajciesia, dzie ja nabyvaju žyllo?» Siabry nazyvali i Łatviju, i Italiju, i Šviejcaryju. Pra toje, što hetaja pryhažość znachodzicca na Minskim mory, nichto padumać nie moh! Što kazać, u heta navat my, kampanija-zabudoŭščyk, nie mahli pavieryć, kali jašče dva hady tamu chadzili tut pa hołym poli», — raskazvaje dyrektar hrupy kampanij «A-100 deviełapmient» Śviatłana Šeŭlik.
Siońnia žyllovy kompleks «Pirs» hatovy da zasialeńnia. U im spałučylisia nie prosta čatyry typy žylla na luby hust, patrebu i kašalok, ale i samyja śmiełyja, dziorzkija, ambicyjnyja fantazii architektaraŭ.
«Pirs» bieź pierabolšvańnia možna nazvać unikalnym miescam. Pa-pieršaje, z kvater adkryvajecca šykoŭny vid na mora. Tak, na Minskaje. Pa-druhoje, tut čystaje pavietra, les i ŭłasnaja artezijanskaja śvidravina, jakaja zabiaśpiečyć žycharoŭ prazrystaj čystaj vadoj. A jašče hety kvartał zakryty. Trapić dadomu žychary zmohuć, skarystaŭšysia dadatkam na svaim mabilnym telefonie.
U kvartale jość čatyry typy damoŭ: sicichaŭsy, urban-viły, taŭnchaŭsy i katedžy. A na terytoryi kompleksu — placoŭki dla vorkaŭta i dziciačyja, zony barbiekiu, štučny vodny kanał ź miescami dla adpačynku z arelami, hamakami, ležakami, šezłonhami. Adnym słovam, tut stvoranyja ŭsie ŭmovy, kab kajfavać ad taho, što ty ŭłaśnik nieruchomaści ŭ kvartale «Pirs».
Treba abmovicca, što ŭsie katedžy, a ich tut dzieviać, užo pradadzienyja. Košt katedžaŭ vahaŭsia ad 300 da 350 tysiač dołaraŭ.
Pakul klučy haspadaram nie pieradadzienyja, Śviatłana Šeŭlik zaprašaje «ŭ hości» ŭ adzin z katedžaŭ.
Adrazu kidajecca ŭ vočy, što vokny tut na ŭsiu ścianu — šmat śviatła i prastory.
«My zaniravali prastoru: źleva — šmat śviatła, heta pamiaškańnie dla stałovych ci haścinych. Spalni ci, naprykład, kabiniety znachodziacca z pravaha boku. Tam zusim inšaja karcina. Pamiaškańni ŭtulnyja, zroblenyja tak, kab u haspadaroŭ była asabistaja prastora. Vokny rasčyniajucca i viaduć na terasu, dzie, darečy, my ŭstalavali ciopłyja padłohi. Tak što haspadary zmohuć da poźniaj vosieni pić harbatu na vulicy», — raskazvaje Śviatłana.
Pradadzienyja i ŭsie 18 taŭnchaŭsaŭ, jakija kaštavali ŭ miežach 200 000 dołaraŭ.
«Taŭnchaŭs — heta niešta siaredniaje pamiž katedžam i kvateraj. Učastak la domu — 2—4 sotki, kampaktnaja płaniroŭka. Ale heta asobny dom», — tłumačyć Śviatłana Šeŭlik.
Kali ŭvachodziš unutr, hałava idzie kruham: vyšynia stoli až 7,3 mietra! Heta ŭ tak zvanych pakojach z «druhim śviatłom». Tut usio dychaje prastoraj, pavietram. Vielizarnyja panaramnyja vokny ŭ kuchni-haścioŭni vychodziać na ŭłasny ŭčastak.
Pakul jašče zielaniny nie tak šmat, pakul drevy nie zakvitnieli, to składvajecca ŭražańnie, što panadvorak jak na dałoni ŭ susiedziaŭ.
«Admaŭlacca ad aharodžy — heta pa-jeŭrapiejsku. Ale, viedajučy davoli skrytny charaktar biełarusaŭ, architekturnaja kancepcyja žyllovaha kompleksu dazvalaje adharadzić svaju terytoryju žyvym płotam ź listoŭnicy. A voś kali niechta z haspadaroŭ zachoča ŭstalavać trochmietrovy mietaličny płot, to ŭ jaho heta nie atrymajecca. Razam z dakumientami na žyllo haspadar padpisvaje damovu, što jon nie maje prava ŭnosić źmieny ŭ ahulnuju architekturnuju kancepcyju», — raskazvaje Śviatłana Šeŭlik.
Treci typ žylla ŭ kompleksie «Pirs» — heta urban-viły. Absalutna novy farmat žylla dla Biełarusi — piacipaviarchovyja adnapadjezdnyja damy. U kožnym — ad 18 da 22 kvater. Damy raźmieščanyja takim čynam, što z susiedniaha doma bačny tolki roh doma nasuprać. Heta zroblena dla taho, kab susiedzi nie hladzieli adzin adnamu ŭ vokny.
Kvatery tut kaštujuć ad 56 da 87 tysiač dołaraŭ. Na siońnia pradadziena 70% kvater.
Asablivaść ich u tym, što ŭsie jany majuć vializnyja terasy. U kvaterach na pieršym paviersie — asobny ŭvachod. Na piatym paviersie damoŭ raźmiaścilisia ahromnistyja pientchaŭsy. U ich uvohule terasa takoj vieličyni, što pry žadańni možna zajmieć tut ceły aharod.
I, kaniečnie ž, lubavacca zachadam nad Minskim moram.
Zrešty, kali ŭ kvatery raptam zasumujecca ci zachočacca prosta pravieści viečar u kampanii susiedziaŭ, to možna adpačyć u dvary, dzie stajać utulnyja terasy ź lichtarykami, fantany.
Treba adznačyć, što terytoryja žyllovaha kompleksu «Pirs» volnaja ad mašyn.
«A na pieršym paviersie damoŭ — łapkamyjniki. My vielmi siabroŭski stavimsia da chatnich hadavancaŭ našych budučych haspadaroŭ, tamu pakłapacilisia i pra ich», — kaža Śviatłana.
Praz hod tut zaviaršycca budoŭla sicichaŭsaŭ. Adkryjucca kramy, kaviarni. Budujecca dziciačy sadok na 230 miescaŭ dla žycharoŭ «Pirsa» i tych, chto žyvie niepadalok.
Śviatłana Šeŭlik upeŭnienaja, što kali siudy zajeduć žychary, «Pirs» ažyvie, napoŭnicca ich enierhijaj.
