A tak možna było? Minčuk prybudavaŭ da kvatery pakoj prosta ŭ pavietry
Da «chruščoŭki» ŭ centry Minska prybudavali pakoj, jaki vystupaje za miežy doma. Chutčej za ŭsio, pašyrana kuchnia. Jak heta vyhladaje — u fotazdymkach Realt.by.
Fota Paŭła Sadoŭskaha, Realt.by
Fota Paŭła Sadoŭskaha, Realt.by
Fota Paŭła Sadoŭskaha, Realt.by
Samabud realizavany ŭ «chruščoŭcy» na vulicy Hikały. Miarkujučy pa fasadzie, kvateru na trecim paviersie pašyryli jašče da kapitalnaha ramontu — «špakoŭnia» pafarbavana ŭ ton doma, pad termašubaj składana vyznačyć jaho kanstruktyŭ. Cikava, što prybudova vystupaje nie tolki za miežy kvatery, ale i bałkonaŭ.
Raźmieščajecca kanstrukcyja prosta nad padjezdam žyłoha doma. Ab tryvałaści pabudovy kazać składana, ale vyhladaje nie vielmi nadziejna.
Ci ŭdałosia ŭzhadnić takuju pierabudovu — vialikaje pytańnie. Usie fasadnyja pierabudovy i pierapłaniroŭki ŭnutry kvatery patrabujuć adpaviednych dazvołaŭ.
