«Prablema ŭ mužykach! Jany pryščaplajuć kompleksy dziaŭčatam!» Dziela čaho žančyny kładucca pad nož?
Na telekanale «Biełsat» vyjšaŭ čarhovy vypusk prahramy «Kožny z nas» pryśviečany prablemam płastyčnaj chirurhii.
Čaściej miedyi pišuć pra zamiežnych zorak dy instahram-błohieraŭ, jakija robiać dziasiatki apieracyjaŭ u pahoni za viečnaju pryhažościu. A jakija płastyčnyja apieracyi robiać biełarusy, i da jakich nastupstvaŭ heta pryvodzić?
Niekatoryja ludzi, pačaŭšy z adnoj apieracyi, paśla ŭžo nie mohuć spynicca i pierarablajuć usio, što trapicca na vočy. Płastyčnyja chirurhi kažuć, što časam davodzicca adhavorvać pacyjentaŭ ad pracedury, jakaja im nie patrebnaja. Byvaje, što chirurhi admaŭlajucca rabić apieracyju.
«Jość taki dyjahnaz. Hučyć jon jak dysmarfafobija. Kali čałaviek nie moža źmirycca z tym, jak jon vyhladaje, jak by jon ni vyhladaŭ, navat kali jon vyhladaje vielmi pryhoža, estetyčna i praparcyjna»
U ahulnaj papulacyi takich ludziej kala 4 %, a niekatoraja statystyka śviedčyć, što siarod pacyjentaŭ płastyčnych chirurhaŭ ich da 15 %.