Radzina zaklikała kiraŭnictva Jeŭraparłamienta ŭvieści sankcyi suprać Parka vysokich technałohij
Natalla Radzina, redaktarka zabłakavanaha ŭ Biełarusi sajta «Chartyja'97», sustrełasia z pradstaŭnikami Jeŭraparłamienta roznych uzroŭniaŭ, kab davieści svaju pazicyju z nahody dziejańniaŭ biełaruskich uładaŭ. Padrabiaznaściami jana padzialiłasia na svajoj staroncy ŭ fejsbuku.
«Sustrełasia siońnia z kiraŭnikom Kamiteta Jeŭrapiejskaha parłamienta pa biaśpiecy i abaronie, členam delehacyi JEP pa suviaziach z NATA, byłym ministram zamiežnych spraŭ Polščy Hannaj Fatyhaj.
Raspaviała ab situacyi ź niezakonnym błakavańniem sajta «Chartyja-97» u Biełarusi, jakaja doŭžycca z 24 studzienia, a taksama adznačyła niebiaśpieku hetaha kroku biełaruskich uładaŭ nie tolki dla svabody słova, ale i dla niezaležnaści krainy.
Zaklikała deputataŭ Jeŭraparłamienta ŭvieści sankcyi suprać ministra infarmacyi Alaksandra Karlukieviča, namieśnika ministra infarmacyi Ihar Łuckaha (u ciapierašni čas zajmaje pasadu hienieralnaha dyrektara telekanała «Staličnaje telebačańnie») i načalnika Apieratyŭna-analityčnaha centra pry administracyi Łukašenki Andreja Paŭlučenki, adkaznych za pryniaćcie rašeńnia ab błakavańni Charter97. org.
Taksama zaklikała ŭvieści sankcyi suprać łukašenkaŭskaha Parku vysokich technałohij da taho času, pakul nie budzie spynieny cisk na niezaležnyja miedyja ŭ Biełarusi».