U samaj papularnaj biełaruskaj videabłohierki skrali instahram-akaŭnt
Instahram Julii Hadunovaj, jaki jana viała ciaham 5 hadoŭ i na jaki padpisalisia 700 tysiač čałaviek, zabłakavany. Dziaŭčynie prapanujuć viarnuć dostup za try tysiačy dalaraŭ.
Julija Hadunova.
U instahram Jula nie zdoleła zajści jašče 14 vieraśnia — źviarnułasia pa dapamohu ŭ techpadtrymku, ale ŭ vyniku joj pačali pisać chto zaŭhodna, ale nie aficyjnaje pradstaŭnictva dadatku.
«Dobrazyčliŭcy» prapanavali dapamahčy z adnaŭleńniem akaŭnta, ale tolki za hrošy. Jula ličyć, što ŭsio heta sprava ruk machlaroŭ, jakija sami zrabili tak, kab akaŭnt spačatku zabłakiravali, a ciapier sprabujuć na hetym nažycca.
U svaim videazvarocie da prychilnikaŭ jana padrabiazna patłumačyła abstaviny zdareńnia. Dziaŭčyna śćviardžaje, što nie pieršaja z papularnych błohieraŭ, chto sutyknuŭsia z takoj prablemaj.
Pakul dziaŭčyna karystajecca svaim dadatkovym, časovym profilem, prosić dapamohi ŭ fanataŭ i spadziajecca na lepšaje.
Jula i Uład Bumaha.
Nahadajem, Jula Hadunova — samaja papularnaja biełaruskaja dziaŭčyna-videabłohierka, jakaja sustrakajecca ź nie mienš paśpiachovym Uładam Bumahaj. Dziaŭčyna naradziłasia ŭ Jelsku, ciapier vučycca na fakultecie mižnarodnych adnosin BDU.
Čytajcie taksama: