Top-10 Alfa-padziej 2015 hoda
Raźvitvajučysia z adychodziačym hodam, Alfa-Bank vyrašyŭ uspomnić samyja znakavyja padziei, jakija vyklikali najbolšuju cikavaść u žycharoŭ Biełarusi, u tym liku ŭ našych klijentaŭ i partnioraŭ.
Kryteryjem adboru staŭ miedyjny vodhuk, a taksama naviedvalnaść mierapryjemstvaŭ, arhanizavanych pry niepasrednym udziele Alfa-Banka.
1. Wi-fi łaŭka
Pieršaja ŭ Biełarusi art-łaŭka ź biaspłatnym wi-fi dostupam u internet źjaviłasia ŭ Minsku ŭ vieraśni. Niezvyčajnaja łaŭka stvorana ŭ formie hihanckaj pryščepki, stylizavanaj pad łahatyp Alfa-Banka. Upieršyniu hety abjekt źjaviŭsia letam na vostravie Kamsamolcaŭ u miežach padtrymanaha bankam sacyjakulturnaha prajekta «Art-vyspy». Całkam aryhinalnaja, śviežaja ideja była realizavana ŭ samyja karotkija terminy i prynosić karyść usim žycharam i haściam biełaruskaj stalicy. Ciapier u Minsku biaspłatny internet razdajuć dźvie art-pryščepki — u handlovym centry «Zamak» i kala centralnaha ofisa banka na vuł.Surhanava ŭ Minsku. Płanujecca, što ŭ bližejšy čas wi-fi łaŭki źjaviacca ŭ abłasnych centrach, a ŭviesnu pavialičycca ich lik u Minsku
2. Konkurs fashion-fota Golden Biełaruś
Fiešenebielny konkurs fashion-fatahrafii Golden Biełaruś staŭ padziejaj hoda ŭ śviecie hłamurnych fatohrafaŭ, śvieckich piersanažaŭ, zaŭsiodnikaŭ modnych bucikaŭ i viečarynak.Na ŭdzieł va ŭnikalnym mastackim prajekcie pa pošuku novaha vobrazu Biełarusi pastupiła bolš za 120 zajavak ad fotamastakoŭ z 5 krain. Pieramožcam konkursu Golden Biełaruś stała naša suajčyńnica Iryna Akuniova. Jana atrymała hałoŭny pryz konkursu — 30 młn rubloŭ, «załatuju» kartku Alfa-Banka i hrant na navučańnie na kursie «Fashion-fatahrafija» u Istituto Marangoni (Italija), jaki pradastaviŭ partnior konkursu — hlancavy časopis pra modu Fashion Collection.
3. Mieniu na biełaruskaj movie ŭ bankamatach i ŭ «Alfa-kliku»
Z ulikam šmatlikich zvarotaŭ klijentaŭ Alfa-Bank zrabiŭ mieniu na biełaruskaj movie ŭ interfejsie bankamataŭ i internet-banka «Alfa-Klik».Darečy, «Alfa-Klik» zastajecca adzinym ź biełaruskich internet-bankaŭ, u jakich možna skarystacca mieniu na biełaruskaj movie (taksam
a jak na ruskaj i anhlijskaj). A novaja viersija «Alfa-Kliku», na pohlad raspracoŭščykaŭ, zastajecca samaj funkcyjanalnaj i zrazumiełaj dla karystalnikaŭ.
4. Forum vuličnych teatraŭ i «Art-Astravy»
U ramkach partniorstva z Nacyjanalnym centram sučasnaha mastactva letam Alfa-Bank padaryŭ minčanam i haściam stalicy dva vydatnyja śviaty: u mai Minsk staŭ jeŭrapiejskim centram vuličnych teatraŭ, a ŭ červieni startavaŭ unikalny pa maštabach i kancepcyi prajekt «Art-Astravy» — upieršyniu biełaruskija skulptary i dyzajniery atrymali takuju maštabnuju prastoru dla realizacyi svaich tvorčych idej. Aŭtary prajekta, u tym liku maścityja biełaruskija mastaki Kanstancin Sielichanaŭ i Michaił Šykaŭ, pradstavili hledaču sapraŭdny fiejervierk idej i formaŭ. Darečy, mienavita na «Art-Astravach» upieršyniu byŭ pradstaŭleny art-abjekt «pryščepka», jaki staŭ pratatypam wi-fi-łaŭki.
5. Kłub klijentaŭ
Alfa-Bank staŭ pijanieram stvareńnia ŭ Biełarusi B2B-supolnaściaŭ, jakija abjadnoŭvajuć servis B2B i prahramu pryvilejaŭ pa najbolš zapatrabavanych dla biznesu kirunkach.Faktyčna heta novaje asiarodździe ŭzajemadziejańnia jurydyčnych asob i indyvidualnych pradprymalnikaŭ, jakich abjadnoŭvaje prynaležnaść da adnaho banka. A ŭ kastryčniku Alfa-Bank pravioŭ pieršuju ŭ Biełarusi praktyčnuju kiejs-kanfierencyju pa pytańniach raźvićcia B2B-supolnaściaŭ. U kanfierencyi ŭziali ŭdzieł bolš za 300 pradstaŭnikoŭ małoha i siaredniaha biznesu.
6. Dakar-2015
My razam pieramahli na Dakary-2015, chto b što ni kazaŭ! Alfa-Bank staŭ partnioram kamandy «MAZ-SPORTaŭta», za jakuju chvareła ŭsia kraina. U adychodziačym hodzie MAZ zaniaŭ hanarovaje 10-je miesca ŭ ahulnym zaliku kłasu hruzavikoŭ u samym prestyžnym mižnarodnym rali-rejle «Dakar». Za dva tydni biełaruskija honščyki pieraadoleli kala 9 tysiač kiłamietraŭ pa pustyniach, horach i biezdaražy Paŭdniovaj Amieryki. Heta byŭ dośvied pieraadoleńnia! Piłoty bajavych mašyn — Siarhiej Viazovič i Alaksandr Vasileŭski — stali ŭ Biełarusi miehapapularnym hierojami. Ich čakaje novaja honka — u pieršaj pałovie studzienia startuje «Dakar-2016». Alfa-Bank znoŭ padtrymaŭ kamandu MAZa i ŭpeŭnieny, što našy piłoty zrobiać usio mahčymaje dla pieramohi!
7. 10 młn dalaraŭ za enierhaefiektyŭnaść
Alfa-Bank staŭ pieršym (i zastajecca adzinym) biełaruskim kamiercyjnym bankam, jaki atrymaŭ pramoje finansavańnie ad Jeŭrazijskaha banka raźvićcia (JEABR). U ramkach sumiesnaha prajekta na 10 miljonaŭ dalaraŭ prafinansavanyja prajekty biełaruskich pradpryjemstvaŭ u śfiery enierhaefiektyŭnaści. Alfa-Bank nie tolki prafinansavaŭ doŭhaterminovyja inviestprajekty (siońnia heta moža dazvolić sabie daloka nie kožny bank!), ale i arhanizavaŭ kompleksnaje supravadžeńnie pakupki abstalavańnia. Hieahrafija pastaŭščykoŭ achapiła partnioraŭ u krainach Jeŭropy i Azii.
8. Internet-sajt dla VIP-klijentaŭ
U Alfa-Banku jość śpiecyjalizavanaje adździaleńnie dla VIP-klijentaŭ — «A-Kłub». Darečy, adzinaje ŭ svaim rodzie na terytoryi Biełarusi. Ciapier u adździaleńnia jość svoj internet-resurs, jaki adlustroŭvaje śpiecyfiku i unikalny servis absłuhoŭvańnia premium-klijentaŭ. Pry stvareńni sajta vykarystany adaptyŭny dyzajn, heta značyć jon adnolkava efiektna vyhladaje na lubych pryładach – ci to nastolny kampjutar ź vialikim ekranam, ci to płanšet, ci to smartfon. My z honaram možam skazać, što ŭ nivodnaha ź biełaruskich bankaŭ niama anałahičnaha internet-resursu. A aficyjny sajt Alfa-Banka (Biełaruś) uvosień byŭ pryznany samym technałahičnym i efiektyŭnym siarod sajtaŭ biełaruskich bankaŭ pa vynikach maštabnaha daśledavańnia, jakoje praviali kampanija «Novy sajt» sumiesna z Nacyjanalnym bankam i kampanijaj ActiveCloud.
9. Vystava «Vynachodstvy da Vinčy»
Pry padtrymcy Alfa-Banka viasnoj u Minsk pryjechała ŭnikalnaja vystava rekanstrujavanych vynachodak hienija italjanskaha Adradžeńnia Leanarda da Vinčy. Na vystavie byli pradstaŭlenyja bolš za 200 ekspanataŭ samaha roznaha pryznačeńnia — ad katapulty da zavostranych kul, ad damkrata da makieta idealnaha horada. «Heta mierapryjemstva vielmi vysokaha ŭzroŭniu, my rady, što vystava, abjechaŭšy paŭśvietu, prybyła ŭ Biełaruś», — padkreśliŭ padčas cyrymonii adkryćci vystavy ministr kultury Respubliki Biełaruś Michaił Śviatłoŭ. Vystavu ŭ Nacyjanalnym mastackim muziei naviedała bolš za 50 tysiač čałaviek. A 15 krasavika adznačyli 563. dzień naradžeńnia Leanarda da Vinčy. Naviedvalnikaŭ zabaŭlali pierfomansami i muzyčnymi vystupami, častavali sałodkim, a taksama vymiarali — šukali siarod minčukoŭ Vitruvijanskaha čałavieka.
10. Alfa-Chab
«Kancept-kar» bankaŭskaha adździaleńnia dla małoha biznesu Alfa-Bank pradstaviŭ na vystavie «ManiFest», jakaja adbyłasia ŭ kancy vosieni. Alfa-Chab stanie pieršym inavacyjnym smart-ofisam, u jakim pradprymalniki zmohuć biaspłatna karystacca internetam, prajektaram, drukarkaj i inšymi aksesuarami. «Ćvikom» kancepcyi stała prazrystaja monaśfiera, u jakoj svabodna źmiaščajecca dva čałavieki i jakuju možna vykarystoŭvać jak izalavanaje ad navakolnaha asiarodździa pracoŭnaje miesca, i jak prastoru dla pieramovaŭ.
«U nastupnym hodzie Alfa-Bank praciahnie ciešyć svaich siabroŭ jarkimi padziejami, biznes-prajektami i karysnymi siervisami. My budziem pracavać u rytmie žyćcia — dynamična i cikava, imknučysia zrabić kožny dzień našych klijentaŭ i partnioraŭ karysnym, a ŭražańni — pryjemnymi!», — padkreślili ŭ pres-słužbie Alfa-Banka.
TAA «Imbir Markietynh» UNP 191886846
