Amierykancy vypuściać paŭnavartasnyja trochkołavyja aŭto
Jany majuć surjozny namier kankuravać z «małalitražkami».
Tut i nižej fota: Forbes
Aryzonski startap Elio Motors anansavaŭ pačatak vytvorčaści trochkołavych aŭtamabilaŭ u 2016 hodzie, raspaviadaje Forbes.
U adroźnieńnie ad trochkołavych aŭto, što vypuskalisia paŭstahodździ tamu, mašyny Elio Motors nie buduć «minimalistyčnymi» ci «ŭrezanymi», a dastatkova kamfartabielnymi, kab kankuravać z «małalitražkami».
Pakul kampanija nie maje kančatkovaj viersii mašyny. Na siońnia pradstaŭleny pratatyp ź indeksam P5, ale da pačatku sieryjnaj vytvorčaści budzie vypuščana jašče 25 roznych pratatypaŭ dziela vyznačeńnia aptymalnych charaktarystyk sieryjnaj madeli.
P5 tym časam maje trochcylindrovy ruchavik na 0,9 litry mahutnaściu 55 konskich sił dy spažyvaje 2,8 litry bienzinu na 100 km.
Pa ŭražańniach Forbes, mašyna stabilna pavodzić siabie na vysokich chutkaściach, ale jazda pa horadzie dajecca joj ciažkavata. Kiroŭcu ŭ vuzkaj kabinie pryjdziecca zvykać da taho, što koły aŭto vystupajuć daloka za miežy kabiny, a pasažyru — da mahčymaha adčuvańnia kłaŭstrafobii.
Siońnia kampanija raźličvaje, što finalnaja viersija budzie pradavacca pa canie kala 6800 dalaraŭ. Paduški biaśpieki vojduć navat u bazavuju kamplektacyju.