Na BT pakazali siužet pra Michałka i kavałki klipa z «Pahoniaj» VIDEA
Siarhiej Michałok staŭ hierojem dakumientalnaj stužki, pryśviečanaj zorkam, jakija pieramahli svaich «demanaŭ». Vidać, BT zakupiła film nie hledziačy.
Lidar zabaronienaha ŭ Biełarusi hurtu «Lapis Trubiacki» Siarhiej Michałok staŭ hierojem dakumientalnaj stužki, jakaja vyjšła ŭ efir na dziaržaŭnym telekanale «Biełaruś 1» u niadzielu, 13 lipienia. Film «Zornaje žyćcio. Cieła jak intymny dziońnik» byŭ źniaty ŭkrainskim telekanałam STB. Stužka pryśviečanaja zachodnim i postsavieckim zorkam, jakija pieramahli svaich «demanaŭ» i zafiksavali heta ŭ vyhladzie tatuiroŭki.
Siarod inšych raspaviadałasia i historyja «pieranaradžeńnia» Siarhieja Michałka, jaki zdoleŭ spravicca z ałkaholem i narkotykami, padniacca z samaha dna i praciahnuć zajmacca muzykaj. Usio heta znajšło adlustravańnie na ciele muzyki ŭ vyhladzie tatu, sens jakich tłumačać aŭtary stužki.
Vidać, BT zakupiła film nie hledziačy. Akramia ŭłasna Michałka, demanstrujecca ŭryvak klipa «Nie być skotam» z kadrami, na jakich dobra vidać hierb «Pahonia», a taksama kavałki kancertaŭ, dzie publika trymaje ŭ rukach bieł-čyrvona-biełyja ściahi.
