«Ракета ўя*ала. Бачыш, гарыць». Украінцы ўдарылі ракетай па караблі ў бухце Севастопаля
У Севастопалі загарэўся карабель. Акупацыйныя ўлады заяўляюць, што расійскія вайскоўцы адбілі ракетную атаку.
У сеціве зʼявілася відэа, як сцвярджаецца, з палаючым пасля атакі суднам у Севастопалі.
«Ракета ўе*ала ў параход. Бачыш, гарыць. Так што ў мяне сёння другі дзень нараджэння», — гаворыць аўтар відэа.
Прызначаны Расіяй губернатар горада Міхаіл Разважаеў заявіў пра адбітую ракетную атаку.
«Раніцай на адным з караблёў на паўночным баку вайскоўцы адбілі атаку супрацькарабельнай ракеты. Ад апалых аскепкаў адбылося невялікае ўзгаранне, якое аператыўна ліквідавалі», — напісаў Разважаеў.
Ранкам рух па Крымскім мосце часова перакрывалі. У мясцовых пабліках пішуць, што на паўночным баку відавочцы назіралі пажарныя машыны, якія ехалі ў бок бухты.
Чытайце таксама:
«Тыдзень сядзелі ў засадзе». Буданаў расказаў, як сёння ноччу збілі расійскі Ту-22
Краіны НАТА вырашылі перадаць Украіне дадатковыя сродкі супрацьпаветранай абароны
УСУ заявілі, што расійскі стратэгічны бамбавальнік збіла Украіна
