У цэнтры Віцебска бабры спрабуюць зваліць вялікае дрэва ФОТАФАКТ
Фота з дрэвам, якое расце на беразе ракі Віцьба і ствол якога ўжо напалову перагрызены бабрамі, даслалі ў рэдакцыю чытачы «Народных навін Віцебска».
На здымку відаць, што адбываецца гэта крыху на поўдзень ад віцебскага моста Баўмана. Куды потым бабры збіраюцца сплаўляць зваленае дрэва, не вельмі зразумела, бо і вышэй, і ніжэй па плыні Віцьба абмежаваная плацінамі.
Два гады таму камунальныя службы абласнога цэнтра абвінавацілі баброў у знішчэнні саджанцаў, высаджаных па берагах Віцьбы ў т. зв. Дзень адзінства. Звяроў тады збіраліся адлоўліваць.
Чытайце таксама:
Якая сувязь паміж бабрамі і птушкамі?
Як паводзіць сябе пры сустрэчы з дзікімі жывёламі — раяць спецыяліст і бывалы паляўнічы
Агрэсіўны бабёр тры дні тэрарызаваў жыхароў Глушы на Бабруйшчыне. Але яму далі рады
