Знайсці
20.05.2024 / 21:17ŁacБел

Амаль дзве траціны палякаў падтрымліваюць умацаванне мяжы з Беларуссю

Даследаванне для газеты Rzeczpospolita правяла SW Research 14 і 15 мая 2024 года. У апытанні прынялі ўдзел 800 карыстальнікаў онлайн-панэлі SW Panel, і яно паказала, што ідэю прэм'ер-міністра Дональда Туска аб будаўніцтве маштабных умацаванняў на мяжы з Беларуссю падтрымліваюць дзве траціны жыхароў Польшчы

Фота ілюстрацыйнае

На пытанне, ці павінна Польшча будаваць умацаванні (у тым ліку загароды, бункеры, акопы) на мяжы з Расіяй і Беларуссю, 64,3% рэспандэнтаў адказалі «так». Не згодныя з гэтым 16,5% апытаных, а 19,2% не змаглі вызначыцца з адказам.

Пры гэтым больш прыхільнікаў умацавання межаў сярод старэйшай узроставай катэгорыі — «так» адказалі 67,2% людзей старэйшых за 50 гадоў і толькі 53,3% людзей да 24 гадоў.

Сярод мужчын і жанчын разбежка аказалася невялікай: прыхільнікамі прапанаваных мер з'яўляюцца 66,3% мужчын і 62,6% жанчын.

18 траўня прэм'ер-міністр Дональд Туск заявіў, што 10 млрд злотых (каля 2,5 млрд даляраў) будуць выдзеленыя на ўзмацненне аховы ўсходняй мяжы Польшчы. Мерапрыемствы будуць уключаць будаўніцтва маштабнай сістэмы ўмацаванняў.

Чытайце таксама:

Польшча ўкладзе ва ўзмацненне абароны ўсходняй мяжы 2,5 млрд даляраў

У Літве памежнікам дадуць цяжкое ўзбраенне

Польшча пачала ўзводзіць электронны бар'ер на рэках на мяжы з Беларуссю

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
0
Ха-ха
0
Ого
0
Сумна
1
Абуральна
1
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
майчэрвеньліпень
ПНАЎСРЧЦПТСБНД
12
3456789
10111213141516
17181920212223
24252627282930