Начная атака на Украіну: сілы СПА збілі больш за 30 «Шахедаў»
СПА працавала па ўсёй лініі паўднёвага фронту, а таксама ў Адэскай і Мікалаеўскай абласцях.
Калаж: УНІАН
У ноч на 28 верасня Расія масіравана атакавала Украіну іранскімі ўдарнымі беспілотнікамі «Шахед». Сілы СПА збілі больш за 30 беспілотнікаў, піша УНІАН.
Як паведаміла прэс-сакратар Сіл абароны поўдня Украіны Наталля Гумянюк, атака адбывалася шляхам запуску некалькіх груп ударных дронаў з розных напрамкаў. СПА працавала фактычна ўздоўж усяго паўднёвага напрамку, у прыватнасці, у Мікалаеўскай і Адэскай абласцях.
«Вораг накіраваў ударныя беспілотнікі ў розных кірунках, уключаючы цэнтральныя рэгіёны. Вынікі атакі яшчэ падводзяцца, бо яна была масіраваная. Але праца СПА была дастаткова выніковай. Больш за 30 з іх было знішчана, больш дакладную лічбу падаб'е Генштаб», — сказала Гумянюк.
