Пасол Беларусі ў Дамінікане ўручаў даверчыя граматы ў вышыванцы
Пасол Беларусі Валерый Бараноўскі ўручыў даверчыя лісты прэзідэнту Дамініканскай Рэспублікі Луісу Радольфа Абінадэру Кароне. Фотасправаздачы апублікавалі прэсавыя службы МЗС краін.
Пасол Беларусі ў Дамінікане Валерый Бараноўскі на ўручэнне даверчых грамат прыйшоў у вышыванцы. Фота: MIREXRD / Twitter
Асаблівасцю гэтага ўручэння даверчых грамат стала тое, што Валерый Бараноўскі прыйшоў на мерапрыемства ў вышыванцы.
Моду на вышыванкі сярод беларускіх дыпламатаў увёў былы міністр замежных спраў Уладзімір Макей. Для замежных калег ён нават праводзіў Дзень вышыванкі. Журналістам Макей прызнаваўся, што нячаста носіць вопратку з нацыянальнай вышыўкай, але казаў, што «нам трэба часцей хадзіць у вышыванках».
«Думаю, кожны з нас павінен узяць на сябе абавязацельствы хадзіць часцей у вышыванцы і гаварыць на роднай беларускай мове», — казаў Макей.
Уладзімір Макей быў знойдзены нежывым у сваім доме ў Драздах 26 лістапада 2022 года.
Уладзімір Макей з жонкай Верай Паляковай на Дні вышыванкі для амбасадараў і прадстаўнікоў дыпмісій
Першыя ж масавыя Дні вышыванкі ў Беларусі арганізаваў у 2014 годзе Павел Белавус. 11 мая Мінскі гарадскі суд вынес Белавусу прысуд — 13 гадоў зняволення. Яго абвінавацілі ў дзяржаўнай здрадзе.
Чытайце таксама:
На прыпынках у Мінску стала знікаць лацінка
Беларусы збіраюць подпісы, каб на айфонах і макбуках дадалі беларускую мову ў якасці сістэмнай
