Ракета «Кінжал», якая нібыта пашкодзіла ЗРК Patriot у Кіеве, была выпушчаная з паветранай засады — расійскія СМІ
Як сцвярджае расійскі бок, ракета «Кінжал», якая нібыта пашкодзіла ЗРК Patriot у Кіеве, была выпушчаная з самалёта МіГ-31К з паветранай засады.
Дзяржаўнае інфармагенцтва «РІА Навіны» паведаміла пра гэта са спасылкай на крыніцу. Таксама сцвярджаецца, што Patriot быў «знішчаны», але ў справаздачы Мінабароны Расіі заяўлялася толькі аб «паражэнні» ЗРК.
Учора вечарам тэлеканал CNN са спасылкай на неназванага прадстаўніка адміністрацыі ЗША паведаміў, што Patriot, хутчэй за ўсё, атрымаў пашкоджанні, але не быў знішчаны. Цяпер амерыканскія ўлады ацэньваюць, якую шкоду атрымаў комплекс і ці трэба яго вывозіць для рамонту ў ЗША.
У Белым доме інфармацыю аб пашкоджанні Patriot не пацвердзілі.
Чытайце таксама:
Падчас начнога абстрэлу Кіева комплекс Patriot сапраўды пашкоджаны — заходнія СМІ
Збіццём «Кінжала» ўкраінцы пацвердзілі на практыцы тое, што было гіпотэзай — ЗША
Мінабароны Расіі заявіла, што Patriot не мог збіць ракету «Кінжал» над Кіевам
