Прыбіральшчыцу Мазырскага НПЗ затрымалі на працы за крытыку дырэктара «Мазырсолі» Уладзіміра Дворніка — «Флагшток»
Работніцу мазырскага прадпрыемства затрымалі і звольнілі за крытыку ў тыктоку былога кіраўніка Гомельскай вобласці, віцэ-прэм'ера, а цяпер дырэктара ААТ «Мазырсоль» Уладзіміра Дворніка, піша «Флагшток».
Дырэктар ААТ «Мазырсоль» Уладзімір Дворнік. Фота: gp.by
Прыбіральшчыца МНПЗ была затрыманая міліцыяй 11 мая проста на працоўным месцы. Прычынай стала публікацыя ў тыктоку, у якой жанчына крытыкавала дзеянні дырэктара ААТ «Мазырсоль» Уладзіміра Дворніка.
Згодна з ролікам, напярэдадні ён звольніў адразу некалькіх работнікаў — ім нібыта не працягнулі кантракты з-за частых выхадаў на бальнічны.
Аб затрыманні жанчыны стала вядома са слоў работніка прадпрыемства МНПЗ. Яе імя не называецца.
Чытайце таксама:
З князя ў гразі. Апошнія два кіраўнікі Гомельшчыны атрымалі сінекуры: адзін — цукар, другі — соль
Пяць фактаў пра віцэ-прэм’ера па сельскай гаспадарцы Уладзіміра Дворніка
