Хочаце палепшыць двары Мінска (або іншага горада)? З'явіўся новы ютуб-канал
Каманда Urban-платформы «Робім Гуд», якая аб'ядноўвае жыхароў і горадабудаўнікоў Беларусі, нядаўна запусціла свой канал на YouTube. Чаму? Хлопцы кажуць, што, як паказвае практыка, нават калі беларусы хочуць зрабіць нешта добрае са сваім дваром, яны часта не ведаюць, з чаго пачаць, піша Citydog.
У рубрыцы «Непраходны двор» яны прапануюць разам з экспертамі і эксперткамі разбіраць мінскія двары і абмяркоўваць дваровыя змены, якія могуць змяніць жыццё горада да лепшага.
У першым выпуску ўрбаніст з Гродна Віталь Багдзель паразважаў аб праблемных дварах Мінска (і не толькі), разабраў, чаму Новая Баравая — прыклад добрага ўрбанізму і хто вінаваты ў тым, што нашы двары такія аднастайныя і змрочныя. І галоўнае — што мы можам зрабіць, каб гэта змяніць.
Чытайце таксама:
Кватэраздымка: паглядзіце, як зрабіць інтэр'ер у цёмных адценнях — і не перабаршчыць
