Прысуды тром сябрам АГП пакінулі без зменаў
У судзе Фрунзенскага раёна Мінска 31 кастрычніка вынеслі прысуд сябрам Аб’яднанай грамадзянскай партыі: Артуру Смалякову і Дзіяне Чарнушынай — па 2 гады калоніі, Андрусю Асмалоўскаму— 3 гады калоніі. Учора разглядалася апеляцыя.
Усіх іх абвінавацілі ва ўдзеле ў маршы новай Беларусі 23 жніўня 2020 года (ч. 1 арт. 342 КК).
Як паведамляе АГП, учора, 20 студзеня, Мінгарсуд разгледзеў апеляцыйныя скаргі палітвязняў. У выніку прысуды пакінулі без зменаў, а скаргі без задавальнення. Такое рашэнне прыняла суддзя Алена Шылько. Хутка палітвязняў накіруюць у калоніі.
Адрасы для падтрымкі:
СІЗА-3. 246003, г. Гомель, вул. Кніжная, 1А, Дзіяна Аляксандраўна Чарнушына
СІЗА-2. 210026, г. Віцебск, вул. Гагарына, 2, Артур Русланавіч Смалякоў
СІЗА-6. 225413, г. Баранавічы, вул. Брэсцкая, 258 В, Андрусь Сяргеевіч Асмалоўскі
