Галоўчанка расказаў пра зніжэнне ВУП на 4 %
Асноўнай задачай сёлета было зрабіць так, каб «краіна не заўважыла санкцыі». Пра гэта заявіў прэм'ер-міністр Раман Галоўчанка.
«$21 млрд — гэта тая частка ВУП, якая была пастаўлена пад пагрозу. А гэта траціна фактычна нашага валавога ўнутранага прадукту. Трэба было працаваць так, каб краіна не заўважыла санкцыі, — сказаў прэм'ер-міністр. — Атрымалася гэта ці не, не нам ацэньваць. Але шмат у чым атрымалася. Кажу пра гэта з апорай на аператыўныя даныя. Будзе намінальнае скарачэнне ВУП. Напэўна, каля 96% мы працуем крыху ніжэй, чым у Расійскай Федэрацыі. Хоць маштаб санкцый супастаўны».
Тым не менш прагназаванае зніжэнне ВУП на 4% па выніках года — меншае за тое, на якое разлічвалі тыя, хто ўводзіў санкцыі, — аж да 20%, падкрэсліў Галоўчанка.
А на 2023 год прагназуецца рост ВУП Беларусі на 3,8%.
Афіцыйная статыстыка ў лукашэнкаўскай Беларусі часта бывае падманнай, а прагнозы адрозніваюцца ад факта.
