Рэцэпт на выхадныя: новы падыход да звыклай грэчаскай салаты
Грэчаская салата — адна з самых папулярных. Рэцэпт, які зараз ужо мог шмат каму надакучыць. Але што калі зрабіць яе смак больш арыгінальным? Прапануем вам прыгатаваць грэчаскую салату з хрусткім сырам фета. Калі вы пакаштуеце, наўрад ці здолееце адмовіцца ад гэтага смаку!
Фота: BBC Food
Каб зрабіць грэчаскую салату з хрусткай фетай, вам спатрэбіцца:
- паўтары чайныя лыжкі аліўкавага алею + яшчэ чайная лыжка для таго, каб смажыць фету
- паўтары чайныя лыжкі чырвонага віннага воцату (можна замяніць на белы вінны або на яблычны воцат, але ў апошнім варыянце вы атрымаеце больш салодкі смак)
- палова чайнай лыжкі сушанай прыправы арэгана + трошкі яшчэ для падачы
- зубок часныку (трэба яго растаўчы)
- тонка нарэзаная чырвоная цыбуліна
- адна піта (хлеб у выглядзе тоўстай ляпёшкі)
- палова агурка
- адзін маленькі зялёны перац (прыбярыце з яго насенне)
- 300 грамаў памідораў
- 50 грамаў зерняў граната
- соль
- 200 грамаў сыра феты (злейце вадкасць, калі вы ўжываеце фету ў расоле, і пакіньце яе на сурвэтцы, пакуль сыр не падсохне)
- Парубіце (асобна адзін ад аднаго) агурок, перац і памідоры.
- У вялікай місцы змяшайце разам алей, воцат, арэгана, часнык і дробку солі. Дадайце цыбулю, яшчэ раз усё добра перамяшайце. Пакіньце запраўку на 10 хвілін.
- Тым часам падсмажце на патэльні піту, потым аддзяліце адзін бок піты ад іншага і смажце піту зноў, пакуль яна не стане хрусткай. Астудзіце яе, потым рукамі разламайце піту на кавалкі ў некалькі сантыметраў.
- Каб зрабіць хрусткую фету, разагрэйце чайную лыжку алею ў антыпрыгарнай патэльні на сярэднім агні. Разламайце фету на кавалкі, пакладзіце іх у патэльню і смажце 4-5 хвілін, пакуль яе ніжняя частка не стане хрусткай і залацістай (пры гэтым не чапайце, не пераварочвайце фету). Трошкі астудзіце сыр, потым асцярожна здыміце яго з патэльні — напрыклад, з дапамогай лапаткі для рыбы.
- У міску з запраўкай дадайце кавалкі піты, агурок, перац, памідоры і зерне граната. Усё добра перамяшайце. Раскладзіце салату па дзвюм міскам, упрыгожце яе фетай і дробкай арэгана і падавайце.
Рэцэпт на выхадныя: венецыянскі маркоўны пірог
Рэцэпт на выхадныя: сытная фрытата
«Наша Ніва» аднаўляе збор данатаў — падтрымаць проста
1
0
0
0
0
0
Салат з яблыкамі і курыцай — рэцэпт
 9
Сэндвічы з яечнай пастай — рэцэпт
 8
Кукурузныя аладкі з сырам чэдар
 1
Каментары
Каб пакінуць каментар, калі ласка, актывуйце JavaScript у наладах свайго браўзера
Хто такія скуфы і ці жывуць яны ў Беларусі?
 7
Еўрасаюз рыхтуе больш суровыя санкцыі супраць Беларусі, але для калію могуць зрабіць выключэнне
 16
Пачалася раптоўная праверка гатоўнасці сіл і сродкаў носьбітаў тактычнай ядзернай зброі
 4
Качанава сустрэлася з Марынай Васілеўскай і не ўпусціла магчымасці лішні раз працытаваць Лукашэнку
 11
Былая жонка галоўнага рэдактара «Новой Газеты Европа» атрымала дзевяць гадоў калоніі за замах на дачку. Яна хавалася 16 гадоў
10 траўня стартуе продаж новага рамана Бахарэвіча
 2
Каб скарыстацца календаром, калі ласка, актывуйце JavaScript у наладах свайго браўзера