Целы са знакамі катаванняў, трупы на вуліцах, брацкія магілы. Расійскія войскі пакінулі на Кіеўшчыне страшныя сляды
Расійскія войскі адступілі з Кіеўскай вобласці. Украінская і армія і паліцыя ўвайшлі ў гарады і вёскі, якія месяц правялі пад расійскай акупацыяй. Шмат разбурэнняў, шмат разрабаванага і сляды ваенных злачынстваў. У Бучы, па словах мэра горада Анатоля Федарука, у брацкай магіле пахавалі 280 чалавек, але шмат трупаў яшчэ застаецца на вуліцах. Па меры таго як вызваленыя раёны падключаюць да інтэрнэту і размініруюць, у сацсетках, СМІ і каналах з'яўляецца ўсё больш фота— і відэасведчанняў. Мы сабралі толькі некаторыя. УВАГА: ЖОРСТКІЯ ФОТА І КАДРЫ, УРАЗЛІВЫМ ЛЮДЗЯМ ІХ ГЛЯДЗЕЦЬ НЕ ВАРТА
Сяло Матыжын Макараўскага раёна. Расстраляныя дзве жанчыны і чацвёра мужчын. Забітыя стрэлам у патыліцу, у некаторых людзей рукі звязаныя за спіной. Адна з жанчын — стараста сяла, адзін з мужчын — яе сын.
Сяло Матыжын Макараўскага раёна. Цела мужчыны са слядамі катаванняў знайшлі ў калодзежы. Паведамляецца, што гэта муж старасты сяла, які знік без вестак 23 сакавіка.
На выездзе з Бучы каля дваццаці расстраляных мужчын — не вайскоўцаў, у звычайнай вопратцы, некаторыя са звязанымі за спінай рукамі.
Горад Буча пасля сыходу адтуль расійскай арміі. Целы расстраляных украінцаў.
Шэсць целаў каля скрыжавання, адзін з людзей з роварам.
Цела жанчыны на вуліцы.
За 20 км ад кіеўскай трасы целы жанчын, якіх забілі і спрабавалі спаліць.
Буча і Ірпень. Целы ляжаць проста пасярод дарогі.
Жахлівыя кадры з горада Барадзянка. Разбурана ўсё, у горадзе цяпер жыве ўсяго каля тысячы чалавек (да вайны было каля 15 тысяч).
