У Польшчы распачалі справу аб нападзе на сілавікоў і заявілі аб датычнасці «беларускіх афіцэраў» да атакі
Польская пракуратура пачала расследаванне па факце нападу на супрацоўнікаў паліцыі падчас атакі мігрантаў на мяжы. Пра гэта паведаміў у аўторак галоўны камендант польскай паліцыі Яраслаў Шымчык, піша ТАСС.
«Афіцэры беларускіх службаў прымалі актыўны ўдзел як у планаванні, так і ў самой аперацыі, — лічыць ён. На яго думку, доказам таму служыць узбраенне мігрантаў шумавымі гранатамі і слезацечным газам. — Не выпадкова на мяжы спачатку з'яўляюцца дзеці, а потым знікаюць. Гэта падрыхтаваная і добра спланаваная акцыя».
«Гледзячы на паводзіны людзей, якія кідалі камяні, я лічу, што яны добра навучаны і маюць вопыт у розных сутыкненнях. На мой погляд, яны прайшлі падрыхтоўку ў Беларусі, але сярод самых агрэсіўных людзей былі афіцэры беларускіх службаў», - сказаў Шымчык.
