U Polščy raspačali spravu ab napadzie na siłavikoŭ i zajavili ab datyčnaści «biełaruskich aficeraŭ» da ataki
Polskaja prakuratura pačała rasśledavańnie pa fakcie napadu na supracoŭnikaŭ palicyi padčas ataki mihrantaŭ na miažy. Pra heta paviedamiŭ u aŭtorak hałoŭny kamiendant polskaj palicyi Jarasłaŭ Šymčyk, piša TASS.
«Aficery biełaruskich słužbaŭ prymali aktyŭny ŭdzieł jak u płanavańni, tak i ŭ samoj apieracyi, — ličyć jon. Na jaho dumku, dokazam tamu słužyć uzbrajeńnie mihrantaŭ šumavymi hranatami i ślezaciečnym hazam. — Nie vypadkova na miažy spačatku źjaŭlajucca dzieci, a potym źnikajuć. Heta padrychtavanaja i dobra spłanavanaja akcyja».
«Hledziačy na pavodziny ludziej, jakija kidali kamiani, ja liču, što jany dobra navučany i majuć vopyt u roznych sutyknieńniach. Na moj pohlad, jany prajšli padrychtoŭku ŭ Biełarusi, ale siarod samych ahresiŭnych ludziej byli aficery biełaruskich słužbaŭ», - skazaŭ Šymčyk.
