Hałoŭny pryz Vieniecyjanskaha fiestyvalu atrymaŭ film Kim Ki Duka «Pjeta»
Karcina pryznanaja najlepšaj z 18 pradstaŭlenych na konkursie filmaŭ.
Hałoŭny pryz
Karcina Kim Ki Duka była pryznanaja najlepšaj z 18 pradstaŭlenych na konkursie filmaŭ.
Załatuju statuetku pieramožcu ŭručyŭ ciapierašni kiraŭnik fiestyvalu Albierta Barbiera i staršynia žury amierykanski režysior Majkł Man, aŭtar takich filmaŭ, jak «Ali» i «Džoni D», pradziusar viadomaha sieryjała «Palicyja Majami: Adździeł noravaŭ».
Uładalnikam «Srebnaha lva», jaki ŭručajecca za najlepšuju režysuru, staŭ amierykaniec Poł Tomas Andersan, jaki pradstaviŭ na fiestyvali karcinu pra relihijnuju siektu «Majstar».
Śpiecyjalnuju premiju žury atrymaŭ film «Raj: viera» aŭstryjca Ulrycha Zajdla, suprać jakoha, jak paviedamlałasia, mohuć raspačać kryminalnuju spravu za abrazu pačućciaŭ viernikaŭ za niekatoryja sceny hetaj karciny.