Pasła Šviecyi vysłali ź Biełarusi
U adkaz Stakholm anuluje vid na žycharstva dvuch biełaruskich dypłamataŭ.
— napisaŭ šviedski ministr u svaim Tvitary.Infarmacyju pra demarš łukašenkaŭcaŭ raspaŭsiudziŭ ministr zamiežnych spravaŭ Šviecyi Karł Bilt. «Režym Łukašenki vysłaŭ šviedskaha pasła ź Biełarusi za toje, što jon zanadta padtrymlivaŭ pravy čałavieka. Ahidna. Pakazvaje naturu hetaha režymu»,
Bilt taksama paviedamiŭ, što ŭ adkaz Šviecyja vysyłaje dvuch biełaruskich dypłamataŭ i što Stakholm «nie budzie vitać» pryjezdu novaha biełaruskaha pasła ŭ Šviecyi.
Pres-sakratar MZS Biełarusi Andrej Savinych prakamientavaŭ situacyju nastupnym čynam:
«Biełaruski bok nie vydvaraje šviedskaha pasła. Pryniata rašeńnie pra niepadaŭžeńnie jaho akredytacyi».«Dziejnaść Eryksana była skiravanaja na razbureńnie dvuchbakovych adnosin», — miarkuje Savinych. Łukašenkaŭski dypłamat padkreśliŭ, što rašeńnie adnosna Eryksana lažyć u płoskaści dvuchbakovych, a nie biełaruska-jeŭrapiejskich adnosin i zaściaroh šviedski bok ad «abvastreńnia situacyi». «My budziem vymušanyja reahavać adekvatna», — zaznačyŭ jon.
«Vysyłka šviedskaha pasła režymam Łukašenki źjaŭlajecca hrubym parušeńniem normaŭ adnosin pamiž dziaržavami, — havorycca ŭ zajavie Ministerstva zamiežnych spravaŭ Šviecyi,raźmieščanaj na sajcie viedamstva. — Abvinavačańni suprać ambasadara nie majuć pad saboju hruntu. Šviecyja nikoli nie chavała toj fakt, što jana padtrymlivaje demakratyju i pravy čałavieka ŭ Biełarusi, a ambasadar Eryksan z usioj surjoznaściu i addanaściu padtrymlivaŭ dadzienuju palityku Šviecyi».
Šviecyja abmiarkoŭvaje situacyju z kiraŭnicaj jeŭrapiejskaj dypłamatyi Ketryn Eštan.«Ciaham dnia my painfarmujem biełaruskaha ambasadara ŭ Šviecyi ab tym, što prysutnaść novaha prapanavanaha Biełaruśsiu ambasadara tut niepažadanaja i što vid na žycharstva dvuch kamandziravanych pradstaŭnikoŭ ambasady anulujecca», — havorycca ŭ zajavie šviedaŭ.
Stefan Eryksan pracavaŭ u Minsku ź vieraśnia 2005 hoda i byŭ adnym z najlepšych jeŭrapiejskich ekśpiertaŭ pa Biełarusi.Spačatku jon byŭ kiraŭnikom adździaleńnia ambasady Šviecyi, a ŭ červieni 2008 staŭ pieršym pasłom Šviecyi ŭ Biełarusi. Pry im pasolstva ŭjechała ŭ novy budynak i pašyryła svaju pracu.
Eryksanam u Minsku mnohija zachaplalisia, bo jon daskanała havaryŭJon asabista pierakłaŭ na šviedskuju tvory Vasila Bykava i Uładzimiera Arłova i arhanizoŭvaŭ kancerty biełaruskichpa-biełarusku i šmat rabiŭ dla padtrymki biełaruskaj kultury.
Nahadajem, što 14 lipienia šviedskaja śpiavačka Łaryn, pieramožca sioletniaha Jeŭrabačańnia, paśla svajho vystupu ŭ Viciebsku na «Słavianskim bazary» u budynku šviedskaj ambasady sustrełasia z žonkaj palitviaźnia Alesia Bialackaha Natallaj Pinčuk,pravaabaroncami j žurnalistami. Jana padpisałasia pad pietycyjaj ab zabaronie śmiarotnaha pakarańnia ŭ Biełarusi.
Varta adznačyć, što Šviecyja paśladoŭna padtrymlivaje ruch za hramadzianskija pravy i nacyjanalnaje vyzvaleńnie ŭ Biełarusi.U pryvatnaści, jany dapamahajuć adzinamu biełaruskamoŭnamu telekanału «Biełsat» i EHU. Kali paśla vybaraŭ 2010 hoda ŭłady ažyćciavili pahrom apazicyi, ministr Bilt razam sa svaimi niamieckim, polskim i češskim kalehami vystupiŭ z rezkim artykułam pratestu ŭ jeŭrapiejskich ŚMI.
Najbolšaje razdražnieńnie biełaruskaha režymu vyklikała dziorzkaja akcyja hrupy šviedskich hramadzian 4 lipienia.Jany z ryzykaj dla žyćcia pralacieli ŭ pavietranuju prastoru Biełarusi i skinuli na Minsk ź lohkamatornaha samalota plušavych miadźviedzikaŭ z zaklikami da svabody słova. Vyhladaje, što heta była akcyja hrupy entuzijastaŭ, da jakoj šviedskaja dziaržava dačynieńnia nie mieła. Tym nie mienš, ad łukašenkaŭskich ideołahaŭ zahučali zakliki «pakarać Šviecyju».
U aŭtorak prezidenckaja hazieta «Sovietskaja Biełoruśsija» abvinavaciła Eryksana ŭ praźmiernaj aktyŭnaści.
Vysyłka šviedskaha pasła moža pryvieści da paŭtoruTady, nahadajem, biełaruskija ŭłady zapatrabavali ad polskaha pasła i pasłańnicy Jeŭrakamisii vyjechać dla kansultacyj. U adkaz krainy Jeŭrasajuza adklikali pasłoŭ ź Biełarusi.biełaruska-jeŭrapiejskaj dypłamatyčnaj vajny viasny hetaha hoda.
Hladzi jašče: «Vioŭ padryŭnuju pracu na terytoryi našaj krainy»