Nacbank abiacaje patańnieńnie kredytaŭ
Kiraŭnik Nacyjanalnaha banka Biełarusi Nadzieja Jermakova čakaje, što da siaredziny hoda kredyty stanuć bolš tannymi. Pra heta jana zajaviła 3 maja ŭ Minsku, adkazvajučy na pytańni žurnalistaŭ.
«Dumaju, da siaredziny hoda kredyty patańniejuć. Ludziej, dumaju, bolš za ŭsio chvalujuć kredyty pa žyllu.
Jany, dumaju, da siaredziny hoda istotna patańniejuć, stanuć bolš padjomnymi dla nasielnictva», — skazała jana.
Jermakova taksama adznačyła, što sioleta denaminacyja ŭ Biełarusi nie płanujecca. «U 2012 hodzie ab hetym havaryć rana, u
Pry hetym jana padkreśliła, što radavomu hramadzianinu denaminacyja «ničoha nie pryniasie». «U kašalku zamiest papierki, dzie napisana „tysiača rubloŭ“, budzie lažać rubiel. Heta ŭsio techničnaja rabota. Jana pakul nie płanujecca», — skazała Jermakova.
Adkazvajučy na pytańnie, ci płanujecca pry budučaj denaminacyi ŭvieści ŭ abaračeńnie maniety, kab biełaruskija turysty, naprykład, na adpačynku mahli kidać u mora svaje manietki, Jermakova skazała:
«Ja nie prymaju kidańnie manietak u mora. Heta ź jazyčnictva.Što da ŭvodu maniet, to na ich vyrab taksama patrebny srodki na mietał, ź jakoha jany vyrablajucca. Taksama patrebny buduć novyja padlikovyja mašyny, jakija pryjdziecca vyrabić, treba budzie pieravučvać kasiraŭ. Ja liču, što heta ŭsio nie treba. A kamu patrebny manietki — Nacbank vypuskaje maniety».
