Pieršaja «aholenaja akcyja» adbyłasia ŭ Minsku ŭ 1962 hodzie

Samaja pieršaja «aholenaja» akcyja adbyłasia ŭ Minsku amal 50 hadoŭ tamu.

Tady zusim hoły čałaviek prabieh pa praśpiekcie Lenina (ciapier Niezaležnaści) ad kaviarni «Viasna» (roh praśpiekta i vulicy Kamsamolskaj) da budynku Aščadbanka (ciapier Nacyjanalny bank).

Pra padrabiaznaści akcyi raspavioŭ «NN» piśmieńnik Viktar Ledzienieŭ, vidavočca toj samaj padziei: «Bieh tady moj siabar Fieliks K., i

nijakaha palityčnaha padtekstu akcyja nie mieła — my prosta paspračalisia, lubili viesialicca.

Fieliks pryjechaŭ na taksoŭcy da kaviarni «Viasna», raspranuŭsia ŭ aŭto, adpraviŭ mašynu da budynka banka, a sam pabieh.

Naša Niva: I jakoj była reakcyja minakoŭ?

Viktar Ledzienieŭ: Usie byli ašałomlenyja — ujavicie, siaredzina dnia — a pa praśpiekcie biažyć aholeny mužčyna. Što praŭda, pryhožy — jon byŭ spartoviec.

Nichto prosta nie paśpieŭ zrazumieć, što heta takoje adbyvajecca.

A kolki spartoŭcu treba, kab prabiehčy hetuju adlehłaść — litaralna para dziasiatkaŭ siekund. Taksoŭka la banka ŭžo čakała.

NN: A jak taksist adreahavaŭ?

VŁ:

Rahataŭ da ŭpadu. My jamu zapłacili piać rubloŭ — vialikija hrošy jak na toj čas, a jon byŭ chłopiec małady, i vielmi viesialiŭsia razam z nami.

A paśla my adpravilisia adznačać padzieju ŭ park Horkaha.

NN: Ale pobač znachodziŭsia budynak MUS i KDB, heta nie pałochała?

VŁ: Nas tady nie chvalavała hetaje KDB,

heta ciapier usie zapałochanyja, a tady KDB było dla nas čymści dalokim.

Tym bolš budynak byŭ na inšym baku — a bieh Fieliks usio adno vielmi chutka. Ale było viesieła, nakštałt jak schadzić u łaźniu z patefonam.

Hutaryŭ JUU

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH